Chapter 80

Jordan Pov...

Hindi ko gustong sumbatan si Samantha dahil parehas lang naman silang nasasaktan pero siya ang may pinakamalaking parte sa lahat ng mga nangyayari.

Naiinis ako sa kanya dahil patuloy siyang gumagawa ng mga bagay na hindi dapat. Gusto ko na nga siyang sampalin ng malakas para matauhan siya pero hindi ko kayang manakit ng babae lalo pa at kapatid ko siya.

Mahal na mahal ko si Samantha pero nakakagigil ang kanyang ugali ngayon. Sa pagtira niya sa ibang bansa naging makitid na ang kanyang utak at makasarili. Hindi siya dating ganun. Mapagbigay, mapagmahal at maaalalahanin siya kaya naman nakakagalit ang ugali niya ngayon. Minsan gusto ko rin sisihin ang mga kaibigan niya.

Nung malaman kong siya ang dahilan kung bakit naaksidente si Rex ay nag alburuto talaga ang dugo ko. Muntik ko talagang masuntok siya sa ospital.

Nakakainis na makita siya sa labas ng operating room na umiiyak pero siya naman may kakagawan. Kaya naman hindi ko napigilan ang aking sarili na sigawan siyang um