Kabanata 11

Kabanata 11

BAKAS sa mukha ni Keeno ang matinding kaba nang marating nila ang emergency room. Aksidenteng naitulak ng kalaro nito si Krishnan at ang ulo ng bata ay tumama sa nakausling bakal. Ang damit ni Keeno, puro mantsa ng dugo dahil ito ang nagtakbo sa bata sa ospital kasama si Honey.

"Doc, save him, please. If you need my blood, just say so." Halos magmakaawa nitong ani sa doktor na siyang tumitingin sa bata.

Natulala si Honey, hindi makapaniwala sa nakikitang reaksyon ngayon ni Keeno. Bakit ganito? Akala ba niya ay ayaw nito sa bata gaya ng nakalap nilang impormasyon?

Ang sabi ni Rustom sa kanya, nabuntis ni Keeno ang babaeng ginagamit nito noon para lamang magkaroon ng matataas na marka. Keeno was desperate to be on top of his