Chapter 51

Nang matapos ni Trixxie ang gusto niyang disenyo ng magiging bahay nila mag-anak, lumuwas sila ng Maynila ni Gavin. Mamili sila ng mga muwebles pati na rin ng mga materyales na gagamitin sa mga gagawing interior design. Sa wakas ay nagamit din ni Trixxie ang kurso na hindi niya natapos dahil sa maagang pagbubuntis noon.

Nasa isang Home Improvement depot sila ni Gavin. Bitbit ni Trixxie ang listahan ng mga gustong design at kulay ni Tatiana para sa kwarto nito. Halos buong maghapon silang namili. Syempre pa gastos lahat iyon ni Gavin. Ang mga binili ay ipapadeliver na lang niya sa kanila at puno ang isang closed van sa dami ng kailangan nila. Alas tres na sila lumabas ng pinamilhan at sandaling nagsadya sa isang restaurant para kumain.

Kanina pa patingin-tingin si Gavin kay Trixxie, na siyang ipinagtaka ng huli. Kumunot tuloy ang noo ng huli sa ginawa ni Gavin.

“Care to share your thoughts?” kapagkuwan ay tanong ni Trixxie.

“Ang swerte ko talaga, bukod