BANCEO 13

Pagpasok namin ng bahay, nakita namin agad si Kua. Marumi na ang mukha niya dahil kumakain siya ng ice cream ngayon habang prenteng nakaupo sa sofa at nanonood ng cartoons.

"Mama? papa? You're back!" Masayang sabi niya, makikita sa mata ang kagalakan. Napatingin ako sa katulong, mabilis itong umalis nang sinenyasan siya ni Sico na umalis na.

Ngumiti ako at niyakap agad ang anak ko. "Nag-alala si mama sa'yo," bulong ko.

"Sorry mama. Si papa nagsundo sa akin kanina," inosenteng sabi ni Kua na nakangiti pa sa amin ni Sico. Naramdaman ko ang paglapit ni Sico sa likuran ko at halos hindi ako nakakilos nang parang niyayakap niya ako ngayon dahil inaabot niya si Kua na nasa harapan ko. Napapagitnaan nila ako.

"I told you hindi ba na lilipat kayo ni mama ng house?" nanayo ang balahibo ko sa katawan nang magsalita siya. Tumama kasi ang hininga niya sa batok ko.

Tumango si Kua at excited na tumingin sa akin. "Mama, dito na tayo titira ngayon?"

Naramdaman ko ang kamay ni Sico sa bewang ko, til