CHAPTER 59

DUMATING ang araw ng panganganak ni Triana. At gaya ng inaasahan ay hindi na niya naitago sa ina ang kanyang pagbubuntis. Halos himatayin ito sa pagkagulat nang nalaman ang kanyang kundisyon. Pinagalitan pa siya nito.

“So, this is the reason why you want to be away and despise the idea of coming home last holiday season! You’re going to kill me out of shock!” litanya ni Lucia sa anak. Subalit agad namang napawi ang tampo nito nang makita ang mga apo. Kitang-kita sa mukha nito ang hindi maitagong saya dahil sa kislap ng mata nito. Tahimik itong naupo sa light blue couch sa may paanan ni Triana.

Kasalukuyan siyang nakahiga sa hospital bed sa loob ng private room ng isang kilalang hospital sa New York. May nakakabit pang dextrose sa kanyang kamay at maputlang-maputla pa siya. Mabuti na lang at malawak ang silid na kinaroroonan niya. Kitang-kita rin ang luntiang dahon ng mga punoy kahoy mula sa salamin sa labas ng kanyang silid.

Maluha-luha si Triana nang yakapin ang kambal. They were f