Chapter 64

"Ate Marites, hintayin niyo ako rito. May pagkain doon sa mini-refrigerator baka nagugutom na si Selena. Iiwan ko muna kayo rito dahil may meeting pa ako," sabi ko kay Ate Marites pagdating namin sa aking opisina.

"Daddy matatagalan ba ang meeting niyo?" tanong ng aking anak. Nakaupo siya sa couch.

"Hindi ko alam kung anong oras kami matatapos, hija. Update na lang kita kapag medyo matatagalan ako. Pagkatapos mong gawin ang mga takdang-aralin ay pwede ka naman matulog. Nandiyan si Ate Marites na magbabantay sa 'yo." Hinalikan ko ang noo ng aking anak at pinisil ang kaniyang pisngi.

"Kanina pa naghihintay ang mga bagong investors natin. Naiinip na sila." Sabi ni Anton paglabas ko ng opisina. "Ang iba naman ay umuwi na."

"What? Ilan na lang ang natira?" tanong ko kay Anton at binilisan ang paglalakad patungo sa elevator. "Malaki ang lugi natin at kailangan natin makabawi."

"I know. Dismayado ang ibang investors dahil kanina ka pa nila hinihintay. At nasabi rin ng iba na baka sa Cop