Chapter 26

Inabala ko ang aking sarili sa pag-re-review para sa scholarship na ina-apply-an ko paglabas ng hospital. Ginamit ko ang perang binigay ni Celine para makapagsimula muli. Kinuwento ko rin kay Lucas kung papaano kami nagkakilala ni Liam. Tinawanan niya lang ako pagkatapos ko itong ikwento dahil hindi raw halata sa aking mukha na maloloko ako ng isang matanda. Tinulongan ako ni Lucas sa paghahanap ng murang paaralan para sa kursong gusto kong kunin.

Pansamantala akong nakatira ngayon sa condo malapit kay Lucas. Pinili niyang maging magkapitbahay kami para raw mabantayan niya ako. Tinulongan din ako ni Lucas sa pagbili ng mga gamit ko sa condo.

Halos araw-araw kaming magkasama ni Lucas lalo na't wala akong trabaho at nasa condo lang ako. Pag-uwi niya galing sa trabaho ay bibisitahin niya ako at makikipagkwentohan bago siya matutulog. Gabi na siyang nakakauwi galing sa trabaho bilang isang engineer sa kompanya na pagmamay-ari ni Liam. Nasanay ako sa ganitong set up namin sa tatlong lingg