Chapter 5

Nagising ako sa alarm ko kinaumagahan. Wala kaming pasok ngayong araw kaya ang balak ko ay mag wowork out ng kaunting oras dito lang sa loob ng apartment at mag gogrocery na rin ng mga kulang na pagkain ko dito.

Napahawak nalang ako sa sentido ko dahil sa sakit nito. Napuyat ako kagabi at tinalo ko pa ang may hangover!

Naalala ko kung gaano ako ka tanga kahapon! Napasabunot nanaman ulit ako sa sarili ko nang maalala ang mga ngiti ko kay Lace at ang huling sinabi ko.

Dahil sa ilang at nataohan ako, hindi na ako makatingin sakanya at hindi ko na nalasap ang sarap ng lomi! Nako naman Lord, bakit gano'n!

Matapos naming kumain ay inihatid niya lang ako sa tapat ng school dahil may pasok pa ako. Buong session ay hindi ako nagsasalita at hindi ko rin naintindihan ang lesson. Buti nalang at minor subject lang 'yon!

Dahil din sa sistema ko kagabi ay na guilty si Isha dahil sa pag iwan niya saakin at wala na daw ako sa sarili at hindi na nag sasalita. Iniisip niya na na engkanto ako dahil wala akong kasama!

Well, parang na engkanto nga ako at naagaw ng isang engkanto ang mga ngiti ko, pucha!

Uminom muna ako ng dalawang baso ng tubig at saka nag hilamos. Mag wowork out lang ako at nanunuod lang ako sa videos ni Chloe Ting. Nakakamatay lahat ng work out videos niya pero worth it!

Ayoko na rin kasi isama pa sa budget ko ang pag gigym dahil dagdag gastos lang. Kahit nag offer ang parents ko na mag enroll ako sa work out sessions para daw mapanatili ko ang pagiging physically fit ko. Naiintindihan ko sila dahil pareho silang physical therapist at nasa medical field pero, ayaw ko lang talaga ng gastos kung kaya ko rin naman mag isa

Habang nasa kalagitnaan ako ng work out ko ay biglang nag ring ang phone ko at nakitang si Isha 'yun, tumatawag saakin sa messenger

Agad ko naman isinagot at sinimangutan siya dahil istorbo siya!

"Ano ba 'yan! Nakakakita ako ng cleavage mag bihis ka naman pokpok" sabi saakin ni Isha ng i-on ko ang camera ko para makita niyang hindi ako natutuwa sa pag tawag niya ngunit iba naman ang napansin niya

"Gaga, naka sports bra ako, nag wowork out kasi ako istorbo ka" sabi ko rin sakanya

"Ang arte mo! Samahan mo 'ko mag shopping!" yaya niya

"Sama? So 'di ako lalabas ng pera diyan ha" sabi ko kaya tinarayan niya naman ako

"Marunong ka bang gumastos para sa sarili mo?! Malaki naman ang allowance na binibigay sayo ng magulang mo"

"Nag iipon ako Alisha, dahil hindi habang buhay kargo ako ng magulang ko"

"'Yun na nga! Siguro million na naipon mo 'no?!"

Tinarayan ko naman siya sa dami niyang satsat. Bumibili lang ako ng damit kapag kailangan at kapag nakikitang luma na ang iba kong damit. Minsan naman ay si Mama mismo bumibili saakin kaya sapat na ang damit ko. Wala nang rason para gumastos pa

"Sasamahan kita kaya 'wag ka nang maraming satsat. Sama lang okay?!" sabi ko

"Oo na sige na nga! Puntahan nalang kita diyan sa apartment mo" sabi ni Isha at sinang ayonan ko lamang saka niya ibinaba ang tawag

Ipinag patuloy ko ang pag work out ko at nang matapos ay naligo na ako.

Nang mag alas dies ay dumating na rin si Isha at dumiretso na kami sa mall. Sabi niya ay ililibre niya ako ng lunch kaya mabait ako sakanya ngayon

Habang namimili si Isha ng bibilhin niya ay pumunta ako sa kids section ng mga damit. I have a younger brother named Aloicious. He's 5 years old now. Medyo hindi nga lang kami close dahil habang nagkakaisip siya ay wala ako sa bahay. Wala ang ate niya, halos dalawang taon na rin naman kasi ako dito sa Naga at uuwi lang kapag may okasyon.

I chose the polo shirt that will suits him. Alam kong marami na siyang damit ngunit gusto ko na kapag suot niya ito ay ma aalala niya na ate niya ang nagbigay no'n.

Binayaran ko agad iyon sa cashier at pagkatapos ay hinanap ko naman agad si Isha. Marami nang nakasabit sa kamay niya na mga damit. Gastadora talaga ang babaeng 'to!

Nang makita ako ay napansin niya ang paper bag na dala ko at pinagtaasan ako ng kilay

"Sabi ko na, bibigay ka rin" sabi niya ngunit tinarayan ko siya

"Tanga, kay Loi 'to. Binilhan ko ng damit" sabi ko

"Bait mo naming ate, pa ampon nga sainyo" sabi niya ngunit tinawanan ko lamang siya

Nang makapag bayad siya ay ipinakuha niya agad sa driver niya ang mga paper bags na dala niya. Dahil sa dami ng binili niya ay alam kong libo libo nanaman ang nilabas na pera ng bruha

"Saan tayo kakain?" tanong ko, nakaramdam na ako ng gutom dahil hindi ako nakapag umagahan kanina

"Tara, classic savory" sabi ni Isha at nagpatianod na ako sa hila niya dahil libre niya naman ay 'di na ako kokontra

Nag order siya ng barkada meal dahil magbarkada daw kami. Ang weird, good for 4 to 6 person na iyon ngunit wala siyang pakialam kung mauubos namin o hindi. Basta daw ay mag barkada kami.

Habang kumakain kami ay panay naman ang rant niya sa mga prof at subjects namin na baka daw maibagsak niya. More on computations na ngayon ang mga major namin kaya namomroblema siya

"Tangina, pag bagsak talaga ako, iinom tayo ha?" sabi ni Isha

"Bagsak o hindi, puro ka naman inom" sagot ko

"Hindi ah! Last na inom ko nga ay 'yung sa Rookies tayo" sabi niya kaya natigilan ako

Na alala ko nanaman ang nangyari nang gabing 'yun.

"'Wag iinom kung hindi naman kaya, bagsak ka na nga sa major bagsak ka pa sa inoman" sumbat ko sakanya at ipinagpatuloy ang pagkain ko

"Hindi ba inihatid tayo no'n ni Lace? Oo ba? Nahatid ba tayo o nagmatigas ka nanaman?" tanong niya

Ngayon lang nagtanong si Isha matapos ang gabing 'yon. Akala ko ay nakalimutan niya na at hindi niya na itotopic pa ngunit ngayon ay tinatanong niya na. Hindi ko alam kung sasabihin ko sakanya ang nangyari

Bahagya akong nagulat nang bigla nalang siyang tumawa at umiiling iling pa. Kinabahan naman ako at napakunot ng noo sa reaksyon niya

"Baliw ka ba?! Ba't bigla ka nalang tumatawa?" sabi ko sakanya saka tinuonan ulit ng pansin ang pagkain ko habang siya ay tawa pa rin ng tawa

"Ikaw ha, sino ba kasi pinag seselosan mo"

Halos mabilaukan ako sa sinabi ni Isha kaya uminom ako agad ng tubig habang siya ay mas natawa dahil sa reaksyon ko

"Tangina ka, papatayin mo ba 'ko?" pagalit na sabi ko sakanya habang kinakalma ang sarili

"Oh chill tinatanong ko lang naman kung kanino ka nag seselos eh" pang aasar niya pa rin saakin

Naalala ko na siya ang pinag selosan ko noon. Dahil lang sa lintek na pagka out balance niya ay nag selos ako. Pero, pucha SO NAG SESELOS NGA AKO?!

Dahil sa naisip ay uminom ako ulit ng tubig ang inubos iyon. Nahalat ni Isha ang pagkabalisa ko kaya tinatawanan niya pa rin ako

"Hindi ako ang tinutukoy niya sa tweet niya na nag seselos" sabi ko sakanya saka siya tinarayan

Alam kong inaasar niya ako dahil nabasa niya ang tweet ni Lace no'ng isang araw.

"Sure ka?" nakakalokong tanong niya

"Ikaw? Sure ka ba na ako 'yun?" ganti ko rin

"Don't get jealous baby, ikaw lang ang gusto ko"

Nang sabihin iyon ni Isha ay natigilan ako. Parang sirang plaka na umulit ulit sa utak ko ang mga salitang iyon, pati na rin ang mga mata ni Lace na walang sawang nakatitig saakin

Tawa pa rin ng tawa si Isha ngunit parang hindi ko na siya marinig dahil sa nararamdaman ko. Na alala ko nanaman! Argh my heart keeps on beating fast!

"Gago, n-narinig mo 'y-yon?" nauutal na tanong ko kay Isha kaya mas natawa naman siya

"Yes b*tch, iinom sana ako ng tubig no'n nang makita ko kayo sa pinto. Susko! Ang hina mo, kung ako 'yun hinalikan ko na siya eh!"

Napabuntong hininga nalang ako, wala nahuli pala kami ng bruhang 'to!

"Hayaan mo na 'yun nag jojoke lang 'yun" sabi ko at saka kumain ulit

"Mahuhulog ka rin naman sa joke niya" pang aasar niya pa

"Kung ihulog nalang kita sa bangin, parang may sense 'yun" ganti ko ngunit nagtarayan lang kami

Nang matapos kumain ay nagpasama na rin ako kay Isha na mag grocery. Busangot pa ang mukha ni gaga dahil ayaw na ayaw niya sumasama kapag sa grocery. Kapag 'to naging asawa at nanay na, wala negats na.

Napilit ko din naman siya kahit parang pinagbagsakan ng langit at lupa ang mukha niya. Nang matapos mag grocery ay napag desisyonan namin ni Isha na mag pa thread. Kumakapal nanaman din kasi ang kilay ko

Nakauwi kami ng bandang alas kwatro ng hapon. Pagkarating ko palang sa apartment ay inayos ko agad ang groceries na binili ko at saka naligo. Dahil sa pagod ay nakatulog ako agad.

Nagising nalang ako nang mag ring ang cellphone ko kaya kinapa ko agad ito sa side table malapit sa kama ko. Hindi ko na tinignan kung sino ang tumawag at sinagot ko na agad ito

"He..llo" tamad na sabi ko habang nakapikit pa ang mata, antok pa 'ko

"Hi, Yvonne"

Halos mapatalon ako sa hinihigaan ko sa narinig kong boses at 'di ko namalayan na natapon ko na sa sahig ang cellphone ko! Agad ko naman itong kinuha at saka ipinatay ang tawag

Sht sht sht! Si Lace 'yun!

Nagulat ulit ako nang mag ring ang cellphone ko at saka ako huminga ng malalim bago sagutin ang tawag

"Ah sorry napindo-" hindi pa man ako tapos ay nagsalita na siya

"Are you okay there, baby?" tanong niya gamit ang malalalim at malambing niyang boses

Hindi ako agad nakasagot dahil sa boses niya at sa pagtawag niya saakin. Bumibilis nanaman ang tibok ng puso ko, may sakit na ata ako!

"Hello?" nataohan ako nang magsalita ulit siya

"Sino 'to?" parang tangang tanong ko. Alam ko naman na kung sino siya, hindi ko lang alam ang sasabihin ko bullshit!

"Ahm, I'm sorry, this is Lace" sabi niya, bumalik ang seryosong boses 

"Why did you call? Pa'no mo nakuha ang number ko?" tanong ko

Narinig ko naman na natawa siya "It doesn't matter, Yvonne" sagot niya

"Ang hilig mo naman sa matter!" naiiritang sabi ko dahil hindi niya sinagot ang tanong ko

"Well I guess, then you're a matter" seryosong sabi niya ngunit alam kong nakangisi siya ngayon

Napaisip ako do'n ah! Kung mahilig siya sa matter, tapos ako daw ang matter, edi... mahilig siya saakin? The fuck?

"Just tell me why did you call, you even disturb my sleep!" pasigaw na sabi ko sakanya

"Can you come with me?" diretsong tanong niya

Napakunot naman ang noo ko. Come with him? Itatanan niya ba 'ko?!

"Hoy! Kung may masama kang binabalak, asa ka! 'Di ako sasama sayo! 'Di ako makikipagtanan sayo, marami pa akong pangar-" hindi pa man ako tapos ay narinig ko na ang malakas niyang pagtawa kaya mas lalo akong nainis

"Gosh baby, what are you talking about?" tanong niya habang hindi parin tumitigil sa pagtawa

"Tumigil ka nga sa pagtatawa mo at 'wag mo nga akong tawaging baby!" sabi ko

"Tawaging ano?" tanong niya

"Baby!"

"Yes, baby?"

Nag init ang lahat ng dugo sa katawan ko. Argh! Palagi akong naiisahan ng lalaking 'to!

"Ewan ko sa'yo!" ibababa ko na sana ang tawag ng magsalita ulit siya

"Okay Yvonne, seryoso na, samahan mo 'ko kahit saglit lang" sumeryoso nga ang boses niya ng sabihin 'yun

"Bakit ba? Saan?" naiiritang tanong ko

"Ahm, ministop? Sounds weird but samahan mo 'ko cup noodles tayo"

Ako naman ngayon ang natawa "Mag ka-cup noodles ka lang papasama ka pa" sabi ko

"Please? I'm here sa parking lot ng apartment mo" sabi niya

Doon ako ulit nabigla at kinabahan. Gago nandito na agad siya?! Kakagising ko lang!

"Ano?! Kanina ka pa d'yan?" tanong ko

"Ahm, 20 mins I guess" sabi niya

Nang tignan ko ang orasan ko ay 9:30 pm na. Gabi na?! At bakit sa ganitong oras nandito pa si gunggong!

"Kakagising ko lang, bwesit maghintay ka!" sabi ko

"Sure, if it's you, I'm willing to wait. Always" seryosong sabi niya bago ibinaba ang tawag

Natulala nalang ako sa cellphone ko at namalayan ko nalang na nakangiti na ako habang tinitignan ang numero ni Lace.