Chapter 105

Nagising si Elyssa nang maramdaman na may maiinit na dumadampi sa leeg niya pero nanatili siyang nakapikit. Napangiti siya nang pamilyar na amoy ng kasintahan ang nanuot sa ilong niya. Halatang bago itong paligo. Nang imulat niya ang mata ay umangat ang kilay niya nang makita ang makinis na mukha ni Louie na nakatunghay sa kanya. Mukhang bagong ahit din ito kaya muling tumingkad ang kaguwapuhan.

"Good morning, honey." Nakangiting bulong ni Louie sa gilid ng tainga niya at bahagya pa iyong hinipan na tuluyang nagpagising sa diwa niya.

Bumalikwas nang bangon si Elyssa dahil sa naramdamang kiliti. Nawala sa isip niya na wala nga pala siyang saplot.

"Louie!"

Isang nakakalokong ngiti ang iginanti sa kanya ng kasintahan at pilyo siyang tinitigan.

"Hmm… What a beautiful morning sight!" Nakataas ang sulok ng labi na usal nito pero hindi sa mukha niya nakatingin kundi sa–

Nanlaki ang mata ni Elyssa nang ma-realize na ang tinitingnan nito ay ang hubad na dibdib niya.

"Louie!!"

Agad niyang nahi