Chapter 103

"Sige na po, papasukin n'yo ako, please... Kailangan ko lang po talagang makausap si Louie!" Nagmamakaawa si Elyssa sa guwardiya na papasukin siya sa condominium ni Louie. Matapos mapanood ang balita tungkol sa kasintahan ay agad na lumuwas ng Maynila si Elyssa upang puntahan ito.

"Hindi nga puwede, miss. Hindi tumatanggap ng bisita si Mr. Fuentebella ngayon. Kabilin-bilinan niyang huwag magpapasok ng kahit na sino sa unit niya!" giit ng guwardiya.

Nanlumo sa narinig si Elyssa. She badly wanted to talk to Louie. Lahat ng pagtatampo na nararamdaman niya para sa kasintahan ay biglang naglaho nang makita ang desperadong mukha nito sa TV. Ang problema, sa gate pa lang ay hinarangan na siya ng guwardiya kaya hindi siya makadiretso sa loob.

Nagpakawala nang iritableng hininga si Elyssa at humalikipkip na humarap dito. "Sigurado akong papasukin ako ni Mr. Fuentebella, kuya. Just tell him my name," pagmamakaawa pa ng dalaga.

Wala ng baterya ang cellphone niya dahil kanina pangg umaga niya