Chapter 1 Meet

Chapter 1

Meet

Taranta akong nag-impake kinabukasan. Hindi ko na naisip ang flight pagkauwi ko kaninang madaling araw at hindi na nakapaghanda. Ikakasal ang pinsan ko kaya babiyahe ako pa Aklan. It's a grand wedding that will be held on a resort, so I'll be staying there for three days.

Kape lang ang tanging nainom ko bago tumulak papuntang airport. Dala ng antok at hangover, I slept the whole flight. Ginising lang ako ng isang attendant nang makalapag na.

May chopper na naghihintay sa akin doon para ihatid ako sa resort. Dianne knows I don't like traveling in land, kaya nagpahanda siya ng chopper para sa'kin.

Kahit paano ay naibsan na ang pagkahilo ko nang lumapag ang chopper sa helipad ng resort. An attendant guided me to the hotel. Mukhang pinareserve ang buong lugar para sa kasal. Hindi ko na ipinagtaka iyon. Dianne is my cousin from the mother's side, a Ruiz. Born as an elite and will marry an elite. So it should be this grand.

Nakasuot ng maong shorts, white bandeau, black leather jacket, black high cut boots and aviators, naglakad ako papasok sa hotel.

Nakita ko agad ang mga kakilala at relatives.

"Aleira!"

Humalik ako kay Tita Aloia, Dianne's mom. On her side was Tito Chito, ang nakakatandang kapatid ni Mommy.

"Where is Minerva? Hindi ba pupunta?" si Tita.

"Ah! Nasa Switzerland po si Mommy para sa business trip. Hindi po siya makakapunta. Pero siya na po raw ang bahala sa honeymoon nila Dianne. It's her wedding gift."

"That woman is really workaholic. Basta sa trabaho, hindi 'yon mapipigilan kaya hayaan na natin," sabay tawa ni Tito Chito.

Tumawa rin ako. "Well, that's Mom."

"Where's your date? Wala?" Ngumisi si Tita na parang himala na wala akong lalaki ngayon.

"Maybe I could find here?" biro ko.

"Oh, I'm sure you'll find one! Maraming relatives at kaibigan si Adam na dadalo!" tukoy ni Tita sa groom ni Dianne.

I laughed. "Anyway, nasaan po si Dianne at Adam?"

"They're preparing. May shoot kasing magaganap mamaya. Your other cousins are on the shore. Pumunta ka muna sa kuwarto mo para makapagpahinga ka."

"Alright. I'll go ahead po."

Iginiya ako ng roomboy patungo sa suite ko. The room was large and the balcony is facing the coast. Pumasada ang tingin ko mula sa pools, beach villas at sa puting buhangin. Kahit sa malayo ay kitang kita ko ang pagiging malinaw ng dagat. Nagningning ang mga mata ko. I love the beach kaya naman sinadya kong magdala ng maraming swimming attires.

Nagtanggal ako ng aviators. I checked my phone for Nikki's texts. Siya lang kasi itong pupunta dahil hindi libre ang ibang kaibigan ko. Ngayon ang simula sa pagtatrabaho ni Joaquin sa kanilang kompanya. Landon will fly abroad with his family for vacation. Ganoon din si Aileen.

Nikki:

I woke up very late, Leira! Mabuti na lang at hindi ako nahuli sa flight. Kakasakay ko lang ng taxi galing Kalibo.

Ako:

Nasa resort na ako. I woke up late too. Ni hindi ko na nga naayos ng ang pag-iimpake ko para hindi lang mahuli sa flight.

Well, blame the alcohol for it. Tipsy na ako kagabi at naalala kong si Evan ang naghatid sa akin sa condo. Naalala ko ring sinabi ko kina Nikki at Aileen ang nangyari sa amin ni Greco. They were shocked about how I successfully kissed him dahil record breaker nga raw. Medyo minus nga lang sa last part. But that's okay. At least I know he's attracted with me!

Anyway, talking about Greco... Agad akong nagtipa ng message para kay Aileen.

Ako:

Did you get any information about Greco?

It didn't take long when she replied.

Aileen:

Greco Octavius Madrigal. 28 years old. Magna Cum Laude in La Salle. MBA. CEO of MGC and a partner of Alpha Builders. That's only the info I've got. Good luck!

Napangiti ako. He's really not ordinary. Hindi ko alam paano ko siya malalapitan ulit, but I'm sure I will come up with a plan. Once I set my eyes on anything, gagawin ko ang lahat makuha lang iyon. Ganoon ako.

Sa pag-iisip, hindi ko na namalayan ang pag-idlip. I woke up when I heard small noises. May pumasok sa kuwarto ko, I concluded with my eyes still closed. Kinusot ko ang mata at dumilat. Halos tumalbog ako sa pasalampak na pag-upo ni Nikki sa kama.

"Wake up, princess!" She laughed.

Bumangon ako at sumandal sa headboard. I glanced at my wristwatch. Alas onse na. Isang oras din pala akong nakaidlip.

"Kailan ka pa dumating?" tanong ko.

"Kararating ko lang. Nakita ko sina Dianne at Adam. Ready na raw ang lunch. Kaya tumayo ka na riyan para makakain na tayo. Hindi ako nakakain ng breakfast."

"Guess what? Ako rin, hindi."

"Kung bakit ba kasi tayo nagpakalasing kagabi, e! Sana pinaalala mo sa'kin na may kasal pa tayong pupuntahan."

"Kanino ba kasing idea ang umorder ng sangkatutak na scotch?" sumbat ko.

Umirap si Nikki. I went out of the bed and took off my jacket. Humarap ako sa malaking salamin at inayos ang mukha para makababa na. Hinayaan kong nakalugay ang natural na maalong buhok. Lagpas balikat ko iyon at may highlights na light brown. Inayos ko ang itim na belt ng aking maong shorts. With only my bandeau, my abdomen was exposed, showing the little piercing on my belly button.

"By the way, did you blocked Travis in your number and socmed?"

Nilingon ko si Nikki. "Bakit?"

"Sa akin siya nagtatanong ng whereabouts mo. Siyempre hindi ko sinagot ng diretso at baka puntahan ka pa."

"Yes, I blocked him. He is annoying. Ayaw niya akong tantanan kahit nakipaghiwalay na ako," sabi ko at naglakad na palabas ng suite.

"Paano ako? I-block ko rin ba? E, ayaw akong tantanan. Nahihiya lang akong supalpalin dahil kaibigan ni Jameson."

"Oh. You're still with your monkey business with Jameson?"

"Jameson is fun to be with, you know."

"Fun in bed, you mean?" sabay halakhak ko.

Halos mabangga iyong housekeeper na nagtutulak ng cart na nakasalubong namin.

"Well..." Tumawa si Nikki. "Siyempre, factor din 'yon. Pero talagang masayang kasama si Jameson hindi lang sa kama."

I smirked. "So he's also fun in the bathroom, in the kitchen, in anywhere?"

Naghalakhakan kami papasok ng elevator.

"Gosh, Aleira! Parang mas wild ka pa sa'kin kahit wala ka pang experience, ah?"

"Ano'ng walang experience? I've been with many boys!"

"Oo nga! Pero make out lang. There's still a bit of innocence left in you."

Ngumuso ako. "I'll lose it soon, though."

Her eyes narrowed. "Alam ko kung kanino mo balak ibigay. Pero ang tanong, how can you make him bite the bait? God, a man with that kind of caliber isn't as easy as you think. Lalo na kung walang history ng pagiging playboy!"

"All men have the same weakness, Nikki," sabi ko bago tumunog ang elevator, hudyat na nasa tamang floor na kami.

Isang liko sa pathway, nakita namin agad ang restaurant kung saan nakahanda ang pagkain ng mga guests. Pagpasok pa lang ay nakita ko agad ang mga mukha ng kakilala. The elders weren't there, though. Mukhang nasa kabilang restaurant.

"Hi, Aleira!" bati sa akin sa nadaanang table. I stopped to greet them.

"You look sexier, huh!"

Tumawa ako at may idudugtong sana pero narinig ko na naman ang pangalan. This time, from a distant table.

"Sina Dianne!" turo ni Nikki.

Nahanap ko agad ang table nila. Mahaba iyon at marami silang kasama, just our relatives and family friends, I guess. I only looked at my cousin as I smiled and waved. Ramdam ko ang pagsiko ni Nikki pero dire-diretso lang ang lakad ko. May mga kakilala pang pabirong sumipol na tinatawanan ko lang.

"Leira!" Dianne stood up to hug me.

Tumawa ako at tinapik ang balikat niya.

"Congrats, Dianne!" si Nikki.

I scanned the people on their long table briefly. May hindi ako namumukhaan, probably Adam's relatives or friends. Pero nawala ang utak ko sa sinasabi ni Dianne at kaagad bumalik ang tingin sa isang direksiyon. I was stunned nang mapansin ko kung sino pa ang naroon!

Isang upuan mula kay Adam, Greco Madrigal was sitting. Naka sky blue siyang button down polo, iba sa pormal niyang dating kagabi.

Nagkatinginan kami. Wala siyang reaksiyong kahit ano. Slowly, my lips curved into a smug smirk. Kung sinusuwerte nga naman.

May humawak sa aking baywang. Napatingin ako kay Gio na tumayo na rin pala. He kissed my cheek like the usual greeting between our circle of friends.

"Belated happy birthday, Leira," sabi nito.

"Congrats din sa graduation niyo. We should celebrate later this night," ang pinsan kong si Bernard.

"Game!" I said.

Umupo na kami ni Nikki sa bakanteng upuan. Katabi ko sila ni Gio habang katapat ko naman si Greco. Nagkatinginan kami ulit. It was only very brief dahil agad niyang ibinalik ang tingin sa pagkain. I smirked. Napakasuplado.

"Congrats sa inyo, Adam! By the way, sabi ni Mommy siya na ang bahala sa honeymoon niyo, wherever you like it. It's her wedding gift," sabi ko.

"Sayang naman pala at hindi makakadalo si Tita. Anyway, send her my thanks," si Adam.

"Sure."

"Nga pala, I thought isasama mo si Travis?"

"Naku, Dianne! Huli ka na sa balita. They broke up yesterday," si Nikki.

"What, Leira? Hindi pa kayo umabot ng buwan no'n, ah?" natatawang tanong ni Bernard.

"Is that the guy from Ateneo?" another cousin asked.

Greco drank on his water. He was all serious. I wonder kaano-ano siya ni Adam? Dahil for sure he's not from Dianne's side.

"Ang guwapo pa no'n!" patuloy nila sa usapan tungkol kay Travis.

I laughed. "Come on, guys! Pag-uusapan lang ba natin ang love life ko? We're here for Dianne and Adam's wedding!"

They don't know about my engagement yet kaya napapag-usapan pa namin ang love life ko ng ganoon kagaan. Only Mommy and Matthew's parents know about it. Pagbalik pa ni Matthew nila i-aanunsiyo iyon officially sa isang engagement party. Mas mabuti ngang ganito muna dahil hindi magkaka-issue kung may ibang lalaki ako.

"By the way, Aleira, Nikki, mga kaibigan ko nga pala. Greco, Carver and Lenz. Then my cousins..." si Adam.

So, he's Adam's friend. That's explains it.

"Hello! Nice to meet you!" si Nikki.

"Aleira. Dianne's cousin," pakilala ko at pinasadahan ng tingin ang mga hindi pamilyar. Then at last, bumaling ako kay Greco. He looked back at me, but the coldness in his eyes showed his lack of interest.

Binigyan ko siya ng mapaglarong tingin. Now I don't need to plan kung paano siya lalapitan. Talagang pinagtagpo na kami ng tadhana rito. If he'll stay here until the wedding, I have three days with him.

"Leira, balak naming magsurf mamaya. Paturo naman!" si Gio.

"Sure! Pero nasaan nga pala si Leandra at wala pa rito?" tukoy ko sa isa pang pinsan.

"Sa wedding day na daw siya pupunta," sagot ni Dianne.

We continued the talk while eating. Madalas ang tingin ko sa kaharap pero hindi na ulit tumingin si Greco sa akin. I think he's purposely avoiding my gaze, though. Parang ang laki ng galit sa akin. Akala mo naman minolestiya ko kagabi.

I smirked at my own thoughts. Naglalaro ang daliri ko sa tinidor habang nakatitig sa kanya.

He isn't the man I usually like, actually. The boyfriends I had were the school's bad boy, rockstar, rich spoiled heir, at madalas iyong nakakasalamuha ko sa bar. In short, I always like anyone like me. But last night, Greco broke the record. He's very different from my long list of exes. Kitang kita ko iyon sa ere at kilos niya.

"So, why did you broke up with Travis? May third party ba?" tahimik na tanong ni Gio sa akin pero tiyak akong naririnig ng nasa malapit. Alam ko dahil saglit na nag-angat ng tingin si Greco sa amin.

"Or you got tired of him, just like the usual?"

I chuckled. "What do you think?"

Ngumisi si Gio. "Imposibleng may third party sa side ni Travis. Kahit sinong lalaki hindi na makakatingin sa iba kapag ikaw ang girlfriend. So that's out of the picture."

"Really," I laughed.

"And it's impossible that there's third party in your part. You're a playgirl but you don't cheat when you have a boyfriend."

Well... hindi naman siguro considered na cheating ang ginagawa ko kay Matthew? Ipinangako lang kami sa isa't isa at ni hindi pa nga official ang engagement. And who knows he's also with women while he's abroad. I don't mind if he's doing that anyway.

"Travis is too controlling, that's why," sabi ko.

"Can you give me my chance, then?"

Nagkatinginan kami ni Greco. His intense dark eyes were all on me. Mapanghamon ko siyang tiningnan, matamis ang ngiti kahit malamig lang na tingin ang sinusukli niya. I guess I want to try something cold this time. After all, the cold can still burn me.

"I better not, Gio. I don't have plans for relationships at the moment. May ibang bagay akong gustong pagtuonan ng pansin," sabi ko, patuloy ang titig sa harap.

Gumalaw ang bagang ni Greco bago bumaba ang tingin sa kanyang baso. Bumalik ako sa pagkain, lumipad na sa ibang bagay ang isip.