BFL_35 Putukan na, na unsyami pa

Mariemar

Naalimpungatan ako dahil pakiwari ko ay may nakamasid sa akin habang ako'y natutulog. Unti-unti ay idinilat ko ang aking mata na gusto pa ata manatiling pikit. Kumpirmadong may nagmamasid nga sa akin. Walang iba kundi ang lalaki na katabi ko sa malawak na kama pero parang bawal ata higaan ang ibang parte dahil sa sobrang dikit namin ni Azul.

Mahihiya nga ang hangin na dumaan sa pagitan namin sa sobrang pagkakadikit ng katawan namin sa isa't isa. Isang seryoso na tingin o titig ang taglay ng mga mata niya habang nakatingin sa akin. Wari ko'y nilamon din siya ng kanyang mga isipin.

Dahil nanatili lang siya sa ganun na ekspresyon habang ako naman din ay malaya ng nagmamasid sa mukha niya wala talagang kapintasan na maipupula sa taglay niyang kagwapuhan at kakisigan.

Hindi ko na rin nga mapigilan ang aking sarili kaya naman gamit ang aking kanang kamay marahan ko na iniangat ito at pinadapo sa mukha ni Azul upang haplusin ito ng buong ingat.

Para namang dahil sa ginawa ko ay b