BILLIONAIRE'S SENSATION CHAPTER 59

TANYA CAMILLE...

Napakasaya n'ya at halos wala na s'yang mahihiling pa sa taas. Nabigyan ng hustisya ang pagkamatay ng kan'yang pamilya at ang nangyari na din sa kan'ya. Binigyan s'ya ng trabaho noong mga panahon na walang-wala s'yang mapupuntahan at makakapitan at higit sa lahat ay binigyan s'ya ng lalaki na s'yang naging instrumento para maabot n'ya ang lahat ng tinatamasa n'ya ngayon.

Masasabi n'ya na si Simon ang pinakamalaking biyaya na natanggap n'ya sa tanang buhay n'ya at habang buhay s'yang magpapasalamat sa binata dahil hindi s'ya nito iniwan ay pinabayaan.

Sa kabila ng lahat ng nangyari sa kan'ya at mga pinagdaanan n'ya ay tinanggap s'ya ng lalaki ng buong puso at hindi iniwan bagkus ay tinulongan na bumangon mula sa pagkakalugmok.

"Tanya, iha, are you with me? Earth to our Tanya!" napapiksi s'ya ng marinig ang boses ng ina ni Simon. Nakagat n'ya ang kan'yang labi at nanghihingi ng paumanhin na tumingin mag-asawa. Nakalimutan n'ya na kaharap n'ya pala ang mga ito dahil