CHAPTER 74

AUDREY PRISCILLA...

Gabi na ngunit hindi pa rin s'ya makatulog. Ayaw n'ya ding pumasok sa kanilang silid ni Tres. Nasa labas lang s'ya at nakaupo sa sofa habang nag-iisip kung papasok ba s'ya sa loob ng kwarto o hindi.

Nasa labas si Tres at hindi n'ya alam kung papasok ito o hindi. At hindi n'ya din maipaliwanag ang kan'yang nararamdaman ng mga oras na iyon.

May bahagi ng kan'yang isip na gusto ng pumasok para matulog ngunit ang kabilang bahagi ng kan'yang isip ay gusto n'yang hintayin si Tres.

Ngunit nahihiya din s'ya na sabihin sa asawa na gusto n'yang sa silid nila ito matutulog. Maayos na naman sila ni Tres at napatawad n'ya naman ito kaya pwede na sila siguro na magsama bilang mag-asawa.

Gusto n'ya din naman maramdaman ang buhay may asawa. Nagbuga s'ya ng hangin ng ilang beses at kinalma ang sarili.

Pagkalipas ng ilang minuto na wala pa rin si Tres ay nagpasya na s'yang tumayo para pumasok sa silid. Nakakahiya na ang ginagawa n'ya na s'ya pa mismo ang mag-aya kay Tres na matulog