BILLIONAIRE'S BEAUTIFUL TROUBLE-MAKER 37

CALIXTA ASUNCION...

"A- Anong ginagawa n'ya rito?" kinakabahang tanong n'ya sa sarili. Hindi s'ya pwedeng magkamali. Kahit malayo ang distansya nito sa kan'ya ay kilalang-kilala n'ya ang katawan ni Isaac.

Memoryado n'ya ang bawat kurba ng maskulo nito sa katawan at ang malaking tattoo sa tagiliran nito ay s'yang nagpadagdag pa ng kan'yang malakas na kutob na si Isaac ang lalaking nakita n'ya sa baba.

Nagpakawala s'ya ng hangin at hinamig ang sarili. Kailangan n'yang pakalmahin ang sarili para makapag-isip ng maayos dahil baka mataga n'ya sa sobrang galit ang manlolokong lalaking ito.

Marahas s'yang bumuga ng hangin at pinaypayan pa gamit ang mga palad ang kan'yang sarili. Nang masigurong kumalma na s'ya ay matapang na lumabas s'ya ng kan'yang kwarto at nagpasyang bumaba para hanapin ang lalaki.

Hindi n'ya hahayaan na pati ang kan'yang mga magulang ay mauto ni Isaac. Ngayon n'ya lang napagtanto ang lahat. Ang karangyaan na tinatamasa ng mga magulang ngayon ay malamang galing kay Isaac.