Chapter 1

NAGHAHANDA na si Astrid para pumasok sa kaniyang trabaho nang pumasok sa silid niya si Debbie.

Debbie is her daughter who is now 10 years old.

Nakita niya sa salamin na sumandal ito sa pinto at humalukipkip at pinanunuod siya habang naglalagay ng make-up sa kaniyang mukha.

"Ano iyon?" tanong niya rito habang naglalagay ng maskara sa kaniyang pilik-mata.

"Bakit ba gabi ka lumalabas upang magtrabaho 'Ma?" balik nitong tanong at lumakad palapit sa kaniya.

Heto na naman ang anak niya. Lagi na lang nitong kwinekwestiyon ang pagtatrabaho niya sa gabi. Well, hindi nito alam ang tunay na trabaho niya. Ayaw niyang mandiri ito sa kaniya. Oo, marami pang pwedeng pasukan na trabaho bukod sa pagbibigay aliw sa mga lalaki pero ito ang alam niyang pinaka-mabilis na pwedeng pagkaperahan.

Nagpakawala siya ng buntung-hininga bago hinarap ang anak na nasa likuran niya.

"Hindi ba sinabi ko na sayo ang dahilan? Paulit-ulit na lang ba yung tanong mo anak?"

Ito naman ang nagpakawala ng buntung-hininga at tumingin sa mga mata niya.

"'E kase 'Ma pinag-uusapan ka ng mga kapit-bahay natin," napakagat-labi ito at tila pinipilit na pigilin ang susunod na sasabihin nito.

"Anak..." Hinawakan niya ang dalawang balikat nito. "Huwag mo na lang pansinin ang mga kapit-bahay talagang mga tsismosa lang ang mga iyan."

"Pero 'Ma-----" nangulubot ang noo nito at pinahaba ang nguso.

Pinisil niya na lang ang ilong nito at saka tumayo na. Pinulot niya na ang mga gamit niya at isa-isang inilagay sa kaniyang bag.

"Basta anak ang importante't mahalaga ay wala tayong tinatapakang tao. Namumuhay tayo ng payak, kumakain tayo ng tatlong beses isang araw at higit sa lahat ay napag-aaral kita sa private school, kaya huwag kang magpa-apekto sa mga iyan ha? At saka iwas-iwasan mo nga ang lumabas tingnan mo puro na lang tsismis ang nasasagap mo sa labas." Iiling-iling niyang sabi bago naglakad palabas ng silid.

Nang makarating siya sa salas ay nilingon niya si Debbie na nakasunod sa kaniya.

"I-lock mo lahat ng pinto pagka-alis ko," bilin niya rito. Akmang bubuksan niya na sana ang pinto nang lumingon ulit siya rito.

"Bawal mag-puyat Debbie ha? Huwag kang masyadong mag-laro niyang online game na kinababaliwan mo... " Tinaasan niya ito ng kilay.

Sunod-sunod na tango naman ang isinagot nito.

Binitawan niya ang seradura ng pinto at naglakad pabalik sa anak niya at hinalikan ito sa noo.

"Ingat 'Ma..." Sabi nito bago siya tuluyang lumabas.

Napatingala siya sa kalangitan bago humakbang at nagpunta sa kalsada upang mag-abang ng taxi.

Napabuntung hininga siya, lagi na lang siyang kinukulit ng anak niya tungkol sa pagtatrabaho niya ng gabi.

Naiintindihan niya naman ito dahil sa edad nitong sampu ay matured na ito kung mag-isip.

Ilang saglit pa ay may tumigil ng taxi sa harap niya. Bago siya sumakay ay nilingon niya ang apartment na ilang taon na rin niyang inuupahan.

"LATE ka yata ngayon ah?" Nakangiting tanong sa kaniya ni Dulce, isang dancer na kasama niya. Si Dulce ang pinaka-malapit niyang maituturing na kaibigan sa pinagtatrabahuhan niyang club.

"Kinulit na naman kase ako ni Debbie 'e." Kwento niya rito at ibinaba ang gamit sa harap ng salamin na nagsisilbing dressing room nila.

"Ano na naman ang issue niya?" pinanuod niya itong nagpahid ng lipstick.

" 'E 'di yung dati pa rin."

Lumingon ito sa kaniya sa salamin at saka tumawa.

"Bakit hindi mo pa kase sabihin ang totoo sa kaniya, malay mo naman maintindihan niya, total malaki na siya at nakaka-unawa na." Ibinaba nito ang lipstick at pinulot naman ang pang-kilay nito.

Napatawa naman siya ng pagak. "Nagpapatawa ka ba? Gusto mo bang pandirian niya ako kapag nalaman niyang ganito ang trabaho ko?" Iiling-iling niyang tanong dito at saka tumayo na at hinagilap ang isusuot niya sa mga nakasabit doong mga damit.

"Bakit? E hindi ka naman nagpapakama ah..." patuloy pa nito.

Napangiti na lang siya ng mapait.

"Sino pa ang maniniwala ngayon na hindi nga ako nagpapakama aber?" Inabot niya ang kulay silver na bra na may mga nakalawit na tila pom-poms at ang katerno nitong panty na may mga nakalawit din.

"Ako, si Emma---"

"Hay nako. Tumigil ka na nga. Tama na, bilisan mo na lang diyan at inaantay ka na ng mga customers mo... " Nakita niya pa ang pag-ngisi nito bago iiling-iling na pumasok sa dressing room.

Si Dulce ang pinaka-mabenta sa lahat ng babae sa club na iyon dahil sa angking ganda at dahil sa sexy din ito. Bukod pa roon ay talaga namang maganda Ito, lahat ng lalaki na papasok doon sa club na iyon ay gusto itong ma-i-take out. Pero dahil isa lang ang kayang i-accompany ni Dulce ay pinipili nito ang pinakamataas ang kayang ibayad para sa isang gabi niya.

Iiling-iling na lang siyang lumabas at tiningnan ang sarili sa salamin. Sinong mag-aakala na may anak na siya sa sexy niyang iyon.

A playful smile curved into her lips.

Another show again.