Seventeen

" Napakarami na nitong pinamili natin. Tama na oy. Hindi ko pa nga alam ang gender ng baby ko, Luna." Nakatawang saway niya sa kaibigan. Sumimangot lang ito. Natutuwa siyang pagmasdan ito na abala sa pamimili ng mga gamit ng baby niya.

" Hayaan mo na ako friend, gusto kong ini-spoil ang inaanak ko, noh." Maarteng wika nito

" Talaga lang ha." wika niya. Magtatatlong buwan na siyang nakikitira kasama ng kanyang kaibigan sa Davao at nagpapasalamat siya dahil wala man lang ideya ang binata sa kinaroroonan niya. Hindi naman kasi siya sikat kaya walang pakialam ang mga taong nakakasalamuha niya. Hindi rin niya kinontak si Sophie dahil alam niyang tinawagan na rin ito ng lalaki tungkol sa kanya. Malaki na ang tiyan niya at isang linggo na lang ang hinihintay niya at malalaman na niya ang gender ng baby niya. Excited na siyang mangyari iyon.

" Napagod ako. Kumain na muna tayo? " yaya ni Luna sa kanya.

" Sige, gutom na rin kami ni baby. " Pagsang-ayon n