Kabanata 960

Ang Ping’an Tie na ginawa ni Darryl ay kamukhang kamukha ang nasa pader, kahit anong angulo pa ito tingnan! Ang ginawa niya nga ay mas maganda kaysa sa nakasabit sa pader!

Siya ba talaga ang nagsulat nung nasa pader?

Paano magagawa ng isang tulad niya ang ganoon kagandang calligraphy?

“Ikaw…” matapos ang ilang sandali, bumalik na sa ulirat si Max. Tagaktak ang pawis niya, sabi niya kay Darryl, “Kaibigan, saan kang galing na pamilya? Bakit ka pumunta sa exhibition ko ngayong araw?”

‘Ang taong ito ay parang hindi ordinaryong tao! Subalit, pinahiya niya ako sa harap nang maraming tao, masyado na ito! Ngayon, ang buong Mid City ay alam na peke ang mga nasa exhibition ko!’ sa isip ni Max.

Galit na galit si Max pero natatakot siya na baka galing sa mayamang pamilya si Darryl na hindi niya dapat masaktan.

Ngumiti si Darryl habang hawak niya ang kamay ni Debra, “Ako? Narito ako kasama ang asawa ko at ang kapatid ko. Gusto nilang pumunta rito sa exhibition mo. Kung hindi naman nila ako ki