Chapter 8

        "Surprise!"

        Napamaang si Athena nang makita si Enzo malapit sa benches paglabas nila ni Athena ng CAS 104 kung saan sila nagklase ng World Literature under Mrs. Maridel Geron. Nakangiting tumango si Miles dito ganun din si Enzo sa kaibigan.

      "What are you doing here?" tanong niya sa binata nang ganap silang makalapit dito ni Miles.

       "Sinusundo ka, ayaw mo ba?" kinuha nito ang backpack mula sa kanya at ito na ang nagdala.

        "Hindi naman. Nagulat lang ako." nakangiting sagot niya.

        Palipat - lipat naman ang tingin sa kanila ni Miles habang patuloy sila sa paglalakad papunta sa may parking area ng BISU.

        "Did you miss me?" nananantiyang tanong ni Enzo sa kanya.

        "Oo naman. Ikaw ba?"

        Kumaway kaway si Miles sa harap nila. 

        "Halerrrr! Andito po ako. In case you don't know. A girl named Miles exists." sarkastikong sabi nito.

        Napakamot naman sa ulo si Enzo. "Of course we know, Miles. Namiss ko lang naman kayo. Nasaan ba si Jerson?"

        "May klase pa sila sa Visual Arts." sagot ng dalaga. "Mamaya pang 5 ang uwi nila. Nagsabi na naman ako kanina na uuna na sa kanila."

        "So, is it okay if we drop by a resto to eat some snack?" tanong ni Enzo.

        "Sure.." 

        "Okay lang."

        Maagap na binuksan ni Enzo ang pinto ng kanyang Isuzu D - Max upang makasakay ang dalawa. Nang makapuwesto na sa loob ng sasakyan ay saka pa lamang nakita ni Athena ang nakatanaw sa kanilang si Martin sa tabi ng sasakyan nitong Mitsubishi Strada. Habang daan ay tahimik lamang si Athena. Abala naman sa pag - uusap tungkol sa gaganaping party ni Jigs sa Sabado sina Enzo at Miles. Ilang saglit pa ay nakarating sila sa isang kilalang fastfood chain di kalayuan mula sa university.

        Pagpasok pa lang nila sa entrada ng kainan ay nakita agad nila sa dalawang pinagdikit na mesa ang mga kaibigan excluding boys na kasalukuyang may klase pa. Nakita rin nila si Mhelai at Karren na nakapila sa counter. 

        "Oh hi.. buti nagkita kita tayo dito. Actually, we're talking about you a while ago. Tamang tama naman ang pagdating nyo." ani Eden. May hawak itong papel at ballpen na wari'y may inililista.

        Marahang ibinaba ni Enzo ang bag ni Athena sa isang bakanteng upuan. "Order lang ako ng pagkain natin." Tumango naman si Athena.

        "Hmmm.. I smell something fishy here. May hindi ka ba sinasabi sa amin Athena?" nakataas ang kilay ni Bing habang nakatingin sa kanya.

        "Wala naman.. nagkaroon lang ng kaunting progress ang estado ng relasyon namin ni Enzo. And I don't know how to label it. We don't talk about it." kibit - balikat na lang na sabi niya. "Anyway, ano ba yang nililista nyo?

        "Ito kasing si Bing nagsuggest na magpotluck tayo para sa handa ni Jigs. Kanya daw ang baked mac. So ito nga inililista ko na. Kaya before kayo dumating, kayo ang pinag uusapan namin sa kung ano ang iaambag nyo."

        "Meron na bang lumpia at fried chicken? Yun na lang sa akin. Madali - daling iprepare." tanong niya sa kaibigan.

        Bumalik sina Mhelai at Karren sa puwesto nila. 

        "Si Enzo na daw bahala sa food natin. So nandito na kami."

        "O ikaw Miles, anong sa iyo?" tanong ni Eden nang mailista ang kay Athena.

        "Dessert ang sa akin. Coffee Jelly at Buko Pandan."

           "So, it's all settled then kasi kasama na si Enzo sa mga boys. Drinks at barbeque daw ang kanila. Iinform na lang natin si Jigs para hindi na siya maghanda ng para sa food."

           Ilang saglit pa ay bumalik na si Enzo kasama ang dalawang crew na nag - assist dito.

           "Let's eat." anito na isini serve sa kanila ang kani - kanilang pagkain.

             Nang makatapos kumain ay nagyakag na rin ang mga kaibigan na umuwi na at marami pang assignments na kailangang gawin. Nagpaalam na rin si Miles na kina Bing na ito sasabay upang makapagsolo daw sila ni Enzo. Nangingiti namang kumaway na lang din siya sa mga kaibigan.   

         

        *********************

        Pababa ng hagdan mula sa CAS 201 si Martin nang matanawan niya si Athena at Miles na may kausap na lalaki. Nagmadali pa naman siyang umalis ng room nang magdismiss na ng klase si Ms. Gomez kaya't nauna na siya sa mga kaibigan. Pupuntahan sana niya sa Athena sa huling klase nito upang magpatulong 'kuno' sa isang Fund Raising Project ng SSG. Though tunay naman na may ganito silang project, mas higit ang pagnanais niyang makasama ang dalaga.

        He didn't mind at first kaso habang papalapit siya napansin niya kung gaano kagiliw ang dalaga sa binata. Kumunot ang noo niya nang mapansing humawak pa sa balikat ni Athena ang lalaki.  

        "Did you miss me?" 

        Narinig niyang tanong ng binata.

        "Oo naman. Ikaw ba?"

        Something constricted inside him.  

        Nakita pa niyang kumaway kaway si Miles sa harap ng dalawa. 

        "Halerrrr! Andito po ako. In case you don't know. A girl named Miles exists." sarkastikong sabi nito.

        Nang makita niyang patungo ang mga ito sa parking lot ng university, napagpasyahan niyang sundan ang mga ito at umuwi na rin lang pagkatapos. Nawalan na siya ng gana at dismayado sa nakikita. Hindi pa man mukhang bokya na siya.

       Nilapitan niya ang kanyang Mitsubishi Strada habang tinatanaw na lamang ng tingin ang dalaga.