Chapter 74

Sa dinami-daming panahon na pwedeng umepal ang traffic, bakit ngayon pa?

Mukhang mag-iisang taon na akong nakaupo sa loob ng sasakyan ni Waylen, hinihintay na umusad ang walang hangganang linya ng mga sasakyan.

Pakiramdam ko nga ay nananadya ang tadhana. Maghahating-gabi na pero bakit tila ngayon pa biglang nagdagsaan ang mga sasakyan? Ayaw ba nilang bumiyahe ng umaga? Ng hapon?

Kung alam ko lang na ngayon susulpot ang traffic sana talaga ay hindi na ako pumayag sa gustong mangyari ni Waylen at nagpumilit na huwag sumama sa kanya.

Pero ano ang gagawin ko kung mismong ang puso ko na ang tumatraydor sa akin?

Isang ngiti lang nito, tiklop na naman kaagad ang Scarlett na tatlong taon kong binuo. Isang salita lang nito ay agad ng humahaplos sa puso ko.

Wala sa sarili akong napalingon sa kanya at sandaling napaisip.

'Papaano ko nagawang mahalin ang lalaking ito sa loob lamang ng halos isang buwan? Bakit parang pakiramdam ko sa tuwing binabalikan ko ang alaala naming dalawa ay parang i