Chapter 70

Author's Pov:

Isang malakas na sampal ang agad na sumalubong sa pisnge ni Waylen nang makaharap niya ang kanyang ama. Mabilis na kumalat ang init sa kanyang pisnge kasabay ng aksidenteng pagtilapon ng kanyang mukha sa bigat ng palad ng kanyang ama dahilan para dumapo ang mata niya sa mata nina Eli at ng kanyang ina.

Awtomatiko niyang iniwas ang kanyang paningin matapos makita ang mga luha nitong patuloy na rumaragsa habang nakatingin sa kanya.

"Willian!" Naiiyak man ay may bahid ng galit sa tinig ng boses na sigaw ni Elizabeth, ang ina niy matapos masaksihan ang ginawa ng asawa.

"Kuya!" Hagulgol ni Eli at halos lumuwa ang mga mata sa sobrang pagkagitla.

Sinubukan niyang lapitan si Waylen ngunit agad ring napahinto nang panliksikan siya ng mga mata ng kanyang ama na may halong pagbabanta.

Naitikom na lamang ni Eli ang sariling bibig tsaka napapaiyak na niyakap si Elizabeth.

"Ang tanda-tanda mo na pero uhaw na uhaw ka pa rin sa away! Pilit mo pa ring isinisingit iyang sarili mo sa