Chapter 3

Nag-aabang sa bar si Zaver ng chicks dahil bored na siya at medyo stress na din siya sa trabaho. Masyadong marami ang pinapagawa ng daddy niya sa kompanya.

Wala na tuloy siyang oras para mag-enjoy. Sa loob ng isang linggo, ni isang chicks ay wala siyang nakasama. Ang saklap tuloy ng buhay niya.

Ininom niya ang alak na nasa baso saka napatingin-tingin ulit sa paligid. Putek! Wala pa siyang nahahanap na babae na makakasama niya ngayong gabi.

"Wala ka pa bang nahahanap, Dre?" tanong ni Wyatt nang makalapit ito sa kanya na nakatayo sa may counter.

Hinarap niya ito saka umiling. "Wala pa, eh."

Nagtataka itong tumingin sa kanya. "Ang daming magagandang isda diyan, pero ni isa ay wala ka pang nahahanap?"

"Lintek nga, eh. Wala akong matipuhan." Napakunot-noo siya nang tingnan siya ni Wyatt ng kakaiba. "Bakit ganyan ka makatingin?" Tinaasan niya pa ito ng kilay.

Napailing ito. "Baka kasi kaya wala kang matipohan kasi iba ang hinahanap mo." Uminom ito ng alak. “May nagmamay-ari na ng katawan mo.”

Mas lalong tumaas ang isang kilay niya. "Sino naman 'yon?" Hindi niya kasi maintindihan ang gusto nitong iparating at kung sino ang tinutukoy nito.

Nagkibit-balikat ito. "Ewan ko sa 'yo. Sa ating dalawa ikaw dapat ang mas nakakalam."

Binatukan niya ito dahilan para mapa-aray ito. "Ewan ko din sa 'yo. Ang labo mong kausap."

Tumingin-tingin na lang siya ulit sa paligid at napangisi nang may makita siyang magandang babae. Jackpot! Nilapitan niya ito at saka sila nagpakilala sa isa't-isa at ang ending? Alam niyo na 'yon.

ZAVER was mixing a drink in his friend's club when a man sat. Mukhang sawi sa pag-ibig. He knows the face of a man that is broken dahil ganyan din ang itsura niya noon.

"What is your order, sir?" tanong niya sa binata.

"Give me the strong one,” sagot nito nang nakayuko.

Napailing siya, mukhang sawi nga ito sa pag-ibig. Binigay niya dito ang pinakamatapang na alak sa club. Iniisang lagok lang ito ng binata saka muling um-order na naman ng isa.

Lumipas ang ilang oras pero hindi pa din tapos uminom ang lalaki. Halatang lasing na lasing na ito dahil namumula na ang maputi nitong mukha, malumay na din ang mga mata nito. Kinuha nito ang cellphone saka may tinawagan.

"Dude," lasing nitong sabi.

Ayaw niya sana itong pansinin pero naaawa siya sa lalaking ito. Nakikita niya kasi ang sarili niya dito noong mga panahon na nawasak din siya dahil sa lintek na pag-ibig na 'yan.

"Nandito ako sa club na pinupuntahan natin.” Pagkatapos nitong magsalita ay tinapos na nito ang tawag.

Napailing na lang siya saka nagpatuloy sa ginagawa niya. Binibigyan niya ng mga orders ang mga customers. High class ang club na ito kaya mayayaman ang pumupunta dito.

Wala sa sarili na napatingin siya sa entrance ng club—ewan ba niya, parang hinihila ang mga mata niya sa part na ‘yon—at nagulat siya nang makita ang babaeng ilang linggo na din niyang hindi nakikita.

Ano nga bang pangalan niya? Hindi niya na maalala sa tagal nilang hindi nagkita pero hindi niya naman nakakalimutan ang simple at maganda nitong mukha.

Lumapit ito sa kinaroroonan niya. Lintek ang kaba niya. Baka kasi nandito ito para sabihing panagutan niya ito. Akala niya ay okay na kasi ilang linggo na itong hindi nagpakita sa kanya pero ito ngayon. Nandito na ito sa harapan niya.

Napakurap-kurap siya nang tingnan siya nito nang nakakunot ang noo. Magsasalita na sana siya nang biglang magsalita ang lalaki na kanina pa naglalasing sa counter.

"Dude," tawag nito sa—napatingin siya sa babae. Lumapit ito sa lasing na lalaki. Magkakilala sila? "You are here,” nakangiti nitong sabi kahit na halos pumikit na ang mga mata nito dahil sa kalasingan.

"Why are you so drunk?" may bahid ng inis nitong tanong sa binata.

Ano nga bang pangalan nito? Hindi niya matandaan eh. Pinipilit niya pa ring tandaan hanggang ngayon ang pangalan nito.

"Damn, Dude. Bakit hindi ako magpapakalasing kung hiniwalayan ako ni Sheila?" Tumawa ito. "Niloloko niya lang pala ako. Nakita ko siyang may kasamang ibang lalaki. Ang saya, ‘di ba?"

Napailing ang babaeng nasa harap niya na hanggang ngayon ay hindi niya pa rin naaalala ang pangalan.

Nakapa-cross arm ito. "I told you so. Ayaw mo kasing maniwala sa akin."

Humagikhik ito. "Ikaw naman kasi, Dude." Sinindot-sindot nito ang braso ng dalaga. "Kung sana sinagot mo na lang ako. Eh, di sana hindi ako nasasaktan ngayon."

"Kung sinagot kita, mas lalo ka lang masasaktan."

"Eh, kasi pusong bato 'yang puso mo. Tayo na lang kasi, Dude,” nakanguso nitong sabi.

Napangiwi siya saka napatingin sa babaeng hanggang ngayon ay hindi niya pa rin maaalala ang pangalan.

"Tara na nga. Lasing ka lang. Iuuwi na kita sa inyo." Kumuha ito ng pera saka inilagay sa counter bilang bayad sa ininom ng lalaki.

Nagulat siya ng hindi man lang siya tinapunan nito nang tingin. Damn! Hindi din ba siya nito naaalala? Imposible. Maliban sa ang gwapo at ang galing niya sa kama ay siya pa ang nakauna sa dalaga. Siya ang nakakuha ng v-card nito.

Nakalabas na ng club ang dalawa. Hindi niya alam kung anong pumasok sa isip niya at sinundan sila. Nang makalabas siya ng club ay nakita niyang kasasara lang ng dalaga sa pinto ng kotse. Hinawakan niya ito sa braso saka hinila dahilan para mauntong ito sa matigas niyang dibdib.

"Bakit ka ba nanghihila diyan?" nakakunot-noo nitong tanong sa kanya. Nang makita nito ang mukha niya ay tumaas ang kilay nito at tinitigan siya nang mabuti.

"Kasi parang hindi mo ako nakita sa loob ng club kanina, eh."

Nagtaka ito sa sinabi niya at kahit siya man ay nagtaka din. Naninibago din siya sa sarili dahil hindi siya ganito sa ibang babae. Wala siyang pakialam sa kanila o ni hindi nga niya nakikilala ang mga pangalan nito, pero bakit pagdating sa babaeng ito ay hindi siya mapakali na hindi siya nito pinansin kanina?

Siguro ay dahil siya ang nakauna sa dalaga at kinakabahan siya dahil baka bigla na lang itong humarap sa kanya isang araw na malaki na ang tiyan. Tama! Iyon ang ikinababahala niya at wala ng iba pa.

"Bakit ba? Sino ka ba?"

Nalaglag ang panga niya sa naging tanong nito. Damn! Kaya ba hindi siya nito pinapansin kanina ay dahil hindi siya nito naaalala? Gusto niyang matawa dahil mukhang gawain niya ‘yon, pero bakit parang bumabalik sa kanya ngayon?

"Damn, woman! You are the only woman in this town who dares to forget my name." Tumawa ito na ikinainis niya. "What's so funny, woman?"

"Hindi ka nga kilala ng mommy ko, eh."

"What?"

Natawa ulit ito. Damn! Ito ang ikalawang beses na pinagtawanan siya ng isang babae. "Sabi mo, ako lang ang babaeng hindi naaalala ang pangalan mo. Damn, man, hindi din naaalala ng mommy ko ang pangalan mo."

For the second time. Nalaglag na naman ang panga niya. Hindi niya napansin na nawala na pala ito sa harapan niya. She already disappeared with that man.

Akala niya ay iba ito.

Iba ito sa mga babaeng dumaan sa buhay niya. Natawa siya. Dahil lang sa birhen ito ay naiisip niya kaagad na kakaiba ito?

What a stupid you are, Zaver? Huwag mong kalimutan na lahat silang mga babae ay manloloko at gagamitin ka lang. Wake up, man!