Chapter 57 Book2

"Senyorita Laica," bigla akong naalimpungatan dahil sa boses ni Mildred na gumigising sa akin.

Kinusot ko ng bahagya ang aking mata at pinagbuksan ako ng pinto ni kuya driver bago ako lumabas ng sasakyan, pagkatapos ko magpasalamat ay nag-lakad na ako papasok sa gusali ng university matapos kong isuot ang aking bag at habang bitbit ang aking dalawang libro, ngunit parang may kung ano sa akin dahil napansin ko ang mga taong nasa paligid na nagbubulungan at ang iba ay napapa-nganga.

Saka ko lang namalayan na sa mismong harap ng university pala ako bumaba mula sa aking sasakyan na Mercedes Benz.

Kaya naman ay napalingon ako sa gawi ng sasakyan at si Mildred ay aligaga sa kanyang mga kagamitan habang paalis na ang sasakyan. "Mildred!"

"Ay Señorita Laica, bakit po," nasambit niya sa harap ng mga taong nakapaligid sa amin.

Mas lalong umugong ang bulungan ng mga ito at marahan kung ipinikit ang aking mata bago ko sinuklay ng pasabunot ang aking buhok gamit ang aking kamay dahil sa inis ng