CHAPTER 1: Ang Pagpapanggap

'Beep beep beep!'

Bumalikwas ng bangon si Kim ng magising sa tunog ng alarm clock. Kinuha nya ang magazine na nasa tabi nya sa kama.

"See you later!" Aniya habang pinagmamasdan ang nasa cover ng isang magazine. Si Marco Chavez na featured as Hot Bachelor CEO in Real Estate business.

Ngayon ang schedule nya ng interview para sa inapplyan nyang trabaho sa Chavez Land Corporation kung saan si Marco Chavez ang CEO/owner. Excited siyang ma-meet ito kaya mabilis na siyang kumilos.

Nag apply siya bilang Secretary sa nasabing company na nakita nyang hiring sa internet. Nagpasa sya ng resume online at ilang oras lang nang may tumawag sa kanya para sa interview.

Nag ayos siya ng sarili at nagpaganda para sa araw na yun. Gusto niyang maging maganda sa paningin ni Marco Chavez.

Pag dating sa HR ng company ay nag exam sya. Nang makapasa ay pinapunta na sya sa office ni Marco Chavez na nasa 7th floor para sa interview. Pagkarating doon ay may mga applicant na isa isang tinatawag para sa interview.

May lumabas na isang babaeng applicant mula sa isa sa mga kwarto na naroon.

"Bagsak ako sa pleasing personality!" Narinig ni Kim na sinabi nito sa katabing applicant. Tinignan ni Kim ang itsura ng babae. Matangkad ito, maganda, makinis at sexy. Naisip niyang perpekto ito kung 'pleasing personality' rin lang ang pagbabasehan.

Ilan pang mga babae ang bumagsak din sa kaparehong dahilan. Nawalan siya bigla ng pag-asa. Naisip niyang siguro ay mala-dyosa sa ganda ang gustong secretary ni Marco Chavez. Kung yung mga babaeng yun ay bumagsak, paano pa kaya siya.

Pinag-iisipan na niyang umalis nang biglang tawagin ang pangalan niya. Siya na rin ang huling applicant na nandoon. Tumayo siya at pumasok sa isang kwarto. Pagpasok nya ay may babae na tingin niya ay nasa mid 40's ang edad ang nandoon. Nagpakilala ito sa kanya bilang Ms. Gomez.

"Last applicant ka na sana pumasa ka na!" Ani Ms. Gomez.

"Kung bakit kasi naging pihikan si Sir Marco sa pagpili ng sekretarya eh." Dagdag pa nito. Pihikan??? Naguluhan siya bigla.

"Ito ha tutulungan na kita para makuha ka at napapagod na din ako, ilang araw na kaming ganito wala pa din nakukuha si Sir Marco."

Sinipat siya nito mula ulo hanggang paa.

"Untucked mo nga yang blouse mo kasi kitang kita yung maliit mong bewang kapag naka tuck in, maganda din ang hulma ng balakang at pwet mo baka sumablay ka jan kapag nakita yan ni Sir Marco, yan ang weakness niya. Tapos isuot mo yang blazer mo kasi kitang kita ang makinis mong balat kapag nakabalandra. Medyo ibaba mo pa yang palda mo hanggang tuhod maganda ang hubog ng legs mo eh baka sumablay ka din jan kung makikita niya yan. Yang buhok mo paki try nga itali, kapag nakaladlad nakakaganda sa aura mo eh."

Kahit naguguluhan ay ginawa naman niya lahat ang mga sinabi nito sa kanya. Tinanggal nya sa pagkaka tuck-in ang blouse nya at niladlad na lang yun. Medyo mahaba ang blouse niyang yun kaya feeling niya ay nagmukha siyang manang nung niladlad niya yun, nakadagdag pa nung hinatak nya ng bahagya ang palda nya hanggang tuhod at ipinusod pa ang buhok nya.

Lumapit sa kanya si Ms. Gomez na may hawak na eye pencil. Hindi na siya nakapalag ng guhitan nito ang kilay niya.

"Try mo suotin to!" Binigay nito sa kanya ang malapad na eyeglass. "Perfect!" Napapalakpak ito sa tuwa ng matitigan siya. Walang salamin doon kaya wala siyang idea sa itsura niya.

"Ngayon pumunta ka na kay Sir Marc. Nakikita mo yung room na yun? Pumasok ka, yun ang office ni Mr. Marco Chavez."

Sinundan ni Kim ng tingin yung tinurong kwarto ni Ms. Gomez.

"Thank you po!" Aniya tsaka siya umalis at tinungo ang nasabing opisina.

Naisip niyang sa dami ng inapplyan at napasukan nyang trabaho ay kakaiba ang pagpili sa applicant sa company na iyon. Naalala niya yung sinabi ni Ms. Gomez na pihikan si Marco Chavez. Bakit kaya??

Habang papunta sa office ni Marc ay kabado siya. Kumatok sya ng tatlong beses. Wala siyang naririnig na kahit ano mula sa loob kaya pinihit na niya ang doorknob. Huminga muna siya ng malalim tsaka niya binuksan ang pinto at pumasok sa loob.

Pagpasok niya ay agad bumungad sa paningin niya ang isang lalake na nakaupo ng patalikod habang may kausap sa cellphone nito. Binasa niya ang name plate na nakapatong sa table. Mr. Marco Chavez, President and CEO.

Napapitlag siya ng mapatingin sa wall glass at makita ang sarili. Napahinto siya sa paglalakad at napatitig sa itsura niya. Hindi niya napigilan ang matawa sa itsura niya.

"Ehem!" Natigil ang pagtawa niya ng marinig yun. Pagtingin kay Marc ay nakatingin na ito sa kanya habang hawak pa rin ang cellphone na nasa tenga.

"Sorry po!" Sambit niya.

Kausap ni Marc ang nasa kabilang linya kaya hindi niya alam kung narinig nito ang paghingi niya ng paumanhin. Tinuloy na niya ang paglalakad patungo kay Marc.

Pinagmamasdan siya nito mula ulo hanggang paa habang papalapit siya.

Nakatayo si Kim sa harapan ni Marc. Pakiramdam nya ay para syang malulusaw sa klase ng tingin na ibinibigay sa kanya ni Marc at para itong may sinisipat na kung ano sa katawan nya. Napatitig din siya dito, naisip niyang mas gwapo pala ito sa personal. Medyo pamilyar ang mukha nito sa kanya. Naisip niyang siguro ay dahil sa kamukha nito ang korean actor na si Ahn Hyo Seop na crush na crush niya. Napangiti sya bigla sa isiping iyon.

Binaba na ni Marc ang cellphone.

"Kimberly Reyes." Napangiti si Kim ng marinig ang husky nitong tinig. Kinuha nito sa table ang resume nya, tinignan at binasa ang detalye na nandoon.

Ilang sandali ng mag ring uli ang cellphone nito.

"Okay! see you in 2 minutes!" Sambit nito sabay tingin sa suot na relo tsaka binaba ang cellphone sa table.

"You're hired! Congratulations! Go back to Ms. Gomez for the process." Sambit nito sabay tayo at kinuha ang coat na nakasabit sa likuran ng upuan tsaka umalis.

Parang tinuklaw naman ng ahas si Kim na nanatili sa kinatatayuan niya habang pinagmamasdan ang bawat kilos ni Marc. Ni hindi na siya nito tinapunan ng tingin hanggang sa lumabas na ito ng kwarto.

"Ganun lang kadali!" Nasambit niya. Ni hindi man lang sya nito tinanong ng kahit na ano. Naguguluhan man ay natuwa na din siya dahil natanggap siya sa trabaho.

"Sabi ko na makakalusot ka eh!" Natuwang sabi ni Ms Gomez. Para rin itong nabunutan ng tinik ng malamang tinanggap siya ni Marc.

"Basta kung ano yang ayos mo ngayon dapat araw araw ganyan ka ha. Itago mo lang yung mga dapat mo itago jan kung gusto mo magtagal kasi kapag nakita yan ni Sir Marc at nadistract sya baka matanggal ka sa trabaho." Sabi nito habang may sinusulat sa isang papel.

"Bakit po mam?" Hindi na niya natiis na itanong.

"Eh kasi madali syang madistract kapag maganda at sexy ang secretary nya. Parati niya kasing kasama, parati nyang katabi, parating kaharap at paikot ikot sa harapan nya. Hindi sya makapagtrabaho ng maayos. Kapag nadistract na sya tinatanggal na nya sa trabaho yung secretary. Kaya ayaw na niya ng secretary na maganda at sexy."

Nabigla si Kim sa sinabi nito.

Napaka-womanizer pala ng Marco Chavez na yun?? Naisip niya.

"Paano po kung mabuko ako!"

"Edi tanggal ka sa trabaho. Baka pati ako matanggal din kaya huwag na huwag ka pahuhuli ha."

Inabot nito sa kanya ang papel. "Bumalik ka na sa HR para sa requirements mo."

Masayang umuwi si Kim. Naisip niyang tama ang desisyon nya na magresign sa dati nyang trabaho bukod kasi sa mababa ang sweldo nya doon ay wala pang masyadong benefits at matagal din ang working hours nya. Samantalang ngayon halos doble ang sweldo niya. Maganda ang benefits kapag naregular. Gusto niya maregular sa kumpanya na yun at ang kailangan lang niya gawin ay husayan ang trabaho pati na rin ang pagkukubli sa anyo niya.

♥️