Chapter 136

Agata Faye

Matapos namin kumain kay pareng Jollibee ay naisipan naman ngayon ng mga bata na pumunta naman daw kami sa park. Yung palagi daw nilang nadaraanan kapag pauwe na sila galing sa labas.

Kaya naman kaagad ay tumingin ako kay Kourtney. Syempre kahit naman gusto ko na pag bigyan ang mga batang ito dahil makita ko pa lang ang kislap ng tuwa sa kanilang mga mata ay pakiramdam ko ay dobleng saya ang nararamdaman ko nun.

Ewan ko ba pero pakiramdam ko ay parang mga anak ko na rin sila. Ganito yata talaga kapag mahal mo yung Mommy nila ay mamahalin mo rin ang mahal ito. Siguro nga ay ganun. Tapos mahilig pa ako sa bata. Kaya naman ganito na lang ang nararamdaman ko. Pag bibigay ko ng rason sa aking nararamdaman para sa mga bata.

Yun lang kasi ang naisip ko e. Wala naman na akong ibang maisip pa na dahilan kung bakit ganito na lang ko sila kamahal at yung mga gusto nila ay handa kong ibigay sa abot ng aking makakaya.

Pero syempre si Kourtney pa rin ang may huling salita.