Kabanata 134

THE BREAKDOWN

Nagmamadali akong nanakbo palabas ng building na pagmamay-ari nila Drake. Matalim kong tinignan ang floor kung saan naruruon ang opisina ng aking asawa na masayang nakikipagtampisawan sa ibang babae, nakita ko pa ang pagtanaw niya mula sa bintana sa kaniyang secret room. Kitang kita ko rin ang pagyapos ni Isabelle kay Drake mula sa likod nito mapang asar pa itong ngumiti sa akin. Kasabay ng pagbagsak ng aking luha ang walang tigil na pagbuhos ng ulan.

Halos lahat ng tao sa lobby ay nakatingin sa akin dahil basang basa na ako sa pagkakatayo ko sa gitna ng ulanan. Kinuha ko ang aking water proof na cell phone, umiiyak kong tinawagan ang aking kapatid na lalaki.

"Wesley sunduin mo na ako ngayon Please, nakapag desisyon na ako, hihiwalayan ko na si Drake." malakas ang aking pag-iyak. Para akong babagsak na sa aking pagkakatayo, halos bente minuto akong nakatayo sa labas. Nakita ko ang pangungutya ni Isabella sa akin ng maabutan nila akong dalawa ni Drake pagbaba nila sa lo