Kabanata 138

Nang mga sumunod na araw ay normal ang aking trabaho. Kapag uwian, sinasabay ako ni Sir Yohann. Hindi naman binibigyan ng malisya ng mga kasamahan ko sa Company ang ganoon. May ibang nag hihinala na pero hindi magawang mag salita dahil bawal ang tsismis sa trabaho. Matatanggal sila agad.

"Anong iniisip mo?" kuryosong tanong ni Sir Yohann.

Tumingin lang ako sa may bintana bago sumagot.

"Wala naman, maliban sa buti hindi ka nababadtrip sa'kin dahil sa ugali ko at prinsipyo ko. Samantalang sa iba, para kang dragon kung magalit." malumanay kong sambit.

"Hindi ko rin alam, pag dating sa'yo kalmado ako. Hindi ako nakakaramdam ng inis o galit. Unless pinag selos mo 'ko. Huwag na huwag mong susubukan ang pagiging seloso ko. Nag mana ako kay Daddy. Higit na mas seloso lang kaysa sa kanya." mahabang litanya niya. I sighed.

"Oo na. Ayoko rin masesante, may mga magulang akong gustong i-ahon sa hirap. Without someone's help. Mas gusto kong mag sikap nang sarili ko. Bilang ganti sa lahat ng sakripi