Ang simula ng pagkakaunawaan

At dahil sa nangyari hindi na nakabalik ang kambal sa party medyo late na rin kaya inihatid na sila ni Xavier. Sa buong byahe tahimik lamang sila at tanging maingay lang ay ang kambal na si Harrison dahil tulog na si Harvey na nakahiga sa lap ng Mommy niya.

Nang makarating sila ng Mansyon gigisingin pa sana ni Hailey ito kaso iaawat siya ni Xavier. "Hwag na ako na ang magbubuhat sa kan'ya." ani nito. Sabay labas ng sasakyan. Kaya naman umiwas na siya at baka maulit na naman ang halik na hindi sinasadyang mangyari sa pagitan nilang dalawa.

Nang mabuksan nito ang pintuan pinangko agad ang anak niya sabay lakad na papasok ng Mansyon diretso sa taas papasok naman sa kwarto ng kambal habang nakasunod silang dalawa ng anak niyang si Harrison. Binuksan niya ang pintuan para makapasok si Xavier sa loob at maingat nitong ibinaba sa kama ang bata.

"Paano mauuna na ako ha. Babalik na lang ako bukas." wika ni Xavier. Hindi niya masyadong naintindihan ang sinabi nito at medyo mahina kasi