5.

[Yuri]

"Wew!" Sumipol si Wilson nang makita siya. "You looked so beautiful!" Puno nang paghangang dugtong nito.

Inikutan niya ito nang mata. "Alam ko, pero hindi mo 'ko madadala sa paganyan mo, noh!" Kilala itong tirador ng mga babae sa university nila. Hindi pa nga hiwalay sa iba aba may bago agad.

Babaerong hindi naman kagwapuhan.

Natawa ito sa sinabi niya. "Kaya wala kang boyfriend. Ang suplada mo kasi." Pangbubuska ng lalaki.

"Mas mabuti na ang walang boyfriend, kaysa naman magkakanobyo nga ako, kamukha at kaugali mo naman. NO THANKS!" Aniya saka ito tinalikuran. Narinig pa niya ang malakas nitong tawa kaya pikon na pikon siya.

Nasaan na ba kasi ang mga kaibigan niya? Nawala na naman? Ganito nalang palagi kapag nasa party sila.

Mahina siyang napadaíng nang tumama ang mukha niya sa dibdib ng isang lalaki. "Anak ng! Ang laki-laki mo tapos nakaharang ka sa daan—" Natigil siya sa pagdakdak nang pag angat niya nang mukha ay sumalubong sa kanya ang mukha ni Red— Ang lalaki sa bar!

"A-Ay, hehe. Sorry." Aniya at saka nagmamadaling umalis sa harapan nito.

Grabe naman kung tumingin 'yon. Parang gusto siyang sakalin. Kaya hindi nakakapagtaka na magkaibigan ito at saka ang asawa ni Pamela.

Parehong nakakatakot ang dalawa.

Kwentuhan dito. Kwentuhan do'n. Nakangiti siya pero ang totoo ay ilang na ilang siya— Sinong hindi maiilang, damang-dama niya ang mainit na tingin ni Red sa kanya.

"Sandali lang, ha." Paalam niya sa kausap niya.

Bumuga muna siya nang hangin at saka lakas-loob na nilapitan si Red.

"Mister," Yawa, bakit sobrang lakas ng tibok ng dibdib niya— Bakit nakakadama siya ng takot? "Pwede ba na wag ka naman tingin nang tingin sa 'kin. Naiilang na ako sa ginagawa mo, eh."

Gusto niyang palakpakan ang sarili dahil nagawa niyang sabihin dito ang gustong sabihin.

Lihim siyang napalunok habang nakatingala at nakatitig sa kulay Hazel brown eyes nitong mata. Heto na naman ang kilabot na hatid ng tingin nito.

"So, my stare made you uncomfortable." Gumuhit ang ngisi sa labi nito. "Why?"

"Ako pa talaga ang tinanong mo ng 'why?" Aba, loko-loko din pala ang isang 'to, eh! Namewang siya sa harapan nito. "Sabihin mo nga sa 'kin. Type mo ba ako?" Lakas-loob niyang tanong.

Iyon lang naman kasi ang isang valid reason na naiisip niya kung bakit panay ang tingin nito sa kanya. Alangan tanungin niya kung may galit ito sa kanya. It doesn't make sense. Wala siyang kasalanan na nagawa rito. Malamang may gusto ito sa kanya.

Bumaba ang tingin niya sa dibdib nito— Wow, halatang matigas. Hindi pa man niya nakikita ang tiyan nito ay alam niyang may pandesal ito. Moreno at lalaking-lalaki ang tindig. Sa laki nang katawan nito ay parang kahit sino ay kaya nitong ibalibag.

Napanganga siya nang magawi ang mata niya sa pagitan nang hita nito— Anak ng! Bukol na bukol ang junjun! Mala-sawa sa laki—

"Eyes up, Yuri. Baka magalit 'yan at tuklawin ka."

"Di ako takot sa ahas, no—" Nanlaki ang mata niya nang mapagtanto ang sinabi nito. "Binabastos mo ba ako?" Naniningkit ang matang tanong niya rito.

'Teka, hindi ba't gano'n din ang ginawa mo nang titigan mo ang junjun niya?' Kastigo nang utak niya.

"If that's what you think. Hmm, maybe yes." Lumagok ito ng alak at mataman na tumingin sa kanya. "Never let your guard down, Yuri... One of these days, surely you'll get bitten." Makahulugan nitong wika.

Inis na inis siya habang nakasunod ang tingin rito.

"Bitten mo mukha mo." Humawak siya sa mukha na nag-iinit na pala. Nakakahiya! Bakit ba kasi dumako ang tingin niya sa hindi dapat.

Oo nga pala— Hindi nito sinagot ang tanong niya. Sabagay, may gusto man ito sa kanya o wala ay wala na siyang pakialam.

May Virvin na siya na mamahalin habangbuhay.

****

"OH EM GIII!!! Si Mr. Gabrielle!"

"Siya nga, biii!!!"

"What is he doing here?!! Ehhh!!"

Nagtakip siya ng tenga. Parang mababasag ang eardrum niya sa tinis ng mga tili ng kababaihan. Nagkalat ang mga 'to sa hallway na para bang nakakita ng artista.

Humikab siya. Hanggang ngayon ay inaantok pa rin siya. Hindi kasi siya nakatulog kagabi kakaisip kung itutuloy ba niya ang pagbili ng gayuma sa quiapo, o hindi. Iyon nalang kasi ang naisip niyang paraan para mapansin siya ni Virvin.

Napatigil siya sa paghakbang at napatingin sa kulay itim na leather shoes na nasa kanyang harapan. Nang mag angat siya nang tingin ay sumalubong sa kanya ang matiim na tingin ni Red.

Humawak siya sa dibdib— Dug. Dug. Dug. Ang lakas ng kabog niya dahil sa kaba.

"Hi, Yuri." Bati ng binata sa baritonong boses. Sumigid ang lamig nang boses nito maging sa kaibuturan ng kanyang buto— OA man pakinggan pero 'yon ang totoo.

Ang kaninang maingay na kababaihan ay natahimik lahat— Puno nang pagtatanong ang mga mukha nito ngayon.

Yawa— Issue na naman 'to!

"Are you free later?" Nakangiting tanong nito— Pero hindi umabot sa mata iyon. "I want to invite you for lunch. Sasama ka ba?"

Wala— Pero hindi niya 'yon sasabihin.

"Pasensya na pero hindi ako pwede mamaya." Pagsisinungaling niya. "Ay, oo nga pala may gagawin pa ako!" Nagmamadaling tinalikuran niya ito. Halos takbuhin niya ang daan makalayo lamang dito.

Ano ang ginagawa nang lalaking 'yon dito? Gusto na tuloy niya isipin na sinusundan talaga siya nito.

Wait— Hindi kaya may gusto talaga ito sa kanya?

Katulad nang inaasahan niya ay mabilis na kumalat ang balita. Nitong nakaraan lang ay si Pamela ang usap-usapan, ngayon ay siya na naman ang diba sa mga kwento ng mga mabahong bibig ng mga studyante rito.

"She's poor, right? Then how come that orphan girl knew the hottest doctor on earth?" Tanong ni Georgia sa maarteng tinig.

"Who knows. Magtataka pa ba tayo, eh magkaibigan sila ni Pamela. Parehong makati." Nakatawang ani naman ni Suzeth na may halong pang iinsulto.

Napahinto siya sa paghakbang at lumingon kay Georgia na ngayon ay kasama ang mga alipores nito. Hindi talaga nawawala ang ganitong klase ng grupo pagdating sa university— Feeling mga entitled.

"Anong sabi mo?" Ayaw niya nang gulo, o pumatol sa mga ito. Pero may limitasyon din naman ang pasensya niya.

Ngumunguya nang bubble gum na lumapit sa kanya si Georgia— Bitch na bitch ang dating nang gaġa kasama ang mukhang mga sugpong kampon.

"Spell out pa namin sa'yo ang narinig mo? Narinig mo naman, di'ba?" Tiningnan siya nito mula ulo hanggang paa. "You and your friends are slut. Is that your way para makaahon sa kahirapan? Ang mang-landi ng mga mayayaman— Ouch!!!"

Napasinghap ang lahat ng sapakin niya si Georgia sa mukha.

"Opps. Sorry, ha. Idinemo ko lang naman sa'yo kung gaano ako kalakas manapak." Nakangisi niyang turan na ikinalunok ng mga alipores ni Georgia. "Sa susunod na marinig kong iinsultuhin niyo kami ng kaibigan ko... Tatama ulit ang kamao ko sa mukha mo, sa mukha ninyong lahat."

"I-I will report you to the—"

"Go on, bitċh." Pinagkrus niya ang braso sa dibdib nginisihan ito. "I will tell this to Pamela para siya na ang bahalang magsumbong nito sa asawa niya. Ano kaya ang mangyayari sa inyo kapag nalaman ni Mr. Martin na pinagsasalitan niyo ng masama ang asawa niya... Hmm, gusto niyo hulaan ko pa?"

Namutla ang mga 'to. Mahina siyang natawa nang kanya-kanyang pulasan ang mga alipores ni Georgia at iwan ito ng mga kasama.

"Ano, ha? Gusto mo paduguin ko ulit nguso mo?" Mayabang na hamon niya.

"M-May araw ka rin, Yuri!" Anito bago nagkukumahog na sumunod sa mga kasama.

Akala yata ng mga 'to ay takot siya dahil hindi siya pumapatol sa mga ito. Ayaw lang naman niya nang gulo kaya nanahimik siya sa mga panlalait ng mga 'to sa kanya.

Napangiti siya. Sa wakas, nasapak din niya ang mukha nang bruhang 'yon. Matagal na siyang nagtitimpi rito sa totoo lang. Mabuti nalang at kinatatakutan ang asawa ni Pamela dito sa unibersidad nila.

Nawala ang ngiti niya sa labi nang maalala ang dahilan ng tsisimis tungkol sa kanya.

Kasalanan 'to ni Red, eh. Ano ba kasi ang trip nang isang 'yon at lapit ito nang lapit sa kanya?