(S3) 48. ANGLES 2

TRACE

Hindi na muna ako nagsalita dahil mas tinatantiya ko ang mga sinasabi ni Alguien. Habang tumatagal ay mas maraming dumadagdag na nakakagulong isipin pero iyon na nga… kahit magulo ay kailangan talagang bigyang pansin.

Alam ko rin naman na tama si Alguien, si Mela pa rin talaga ang pinakahuling maaasahan para sa kalinawan ng lahat. Si Mela lang ang makakasagot tungkol sa nangyari sa kaniya. Nataon lang na umasa ako, na baka sakali… na baka sakali may alam din siya. Dahil hindi lang tungkol kay Mela, Raymundo, at Chloe ang kailangan kong malaman. I need to know everything in the past, for I believe that whatever happened then, was connected to the death of my mother.

Ang maayos na samahan nina Alguien at Raymundo bilang mag-ama, na hinangaan ko noon at kinainggitan, ay isa lang palang pagpapanggap. Akala ko pa ay walang alam si Alguien sa plano ng tatay niya laban sa kaniya pero iba pala, silang mag-ama ay parehong nagtatrayduran. Kung hindi dahil sa impormasyon na nalaman ko s