Chapter 12

✧ADAM MEADOWS✧

HINDI puwedeng makita ni Jazzlene ang kalagayan ng loob ng apartment ko, lalo na at nagkalat ang dugo sa sahig dahil sa dalawang tama sa binti ng anak ni Bueno. Wala na itong malay ngayon dahil nanghina na siya sa dami ng dugong nawala sa kaniya.

“Adam!”

Narinig ko ulit ang boses niya mula sa labas pati ang malakas na paghampas niya sa pinto. Instead na pagbuksan siya, pumunta muna ako sa kuwarto at kumuha ng malinis na panyo sa cabinet. ‘Tsaka ko inilabas ang isang maliit na spray bottle na naroon din sa loob ng cabinet ko, sa bandang sulok. Nag-spray ako sa panyo, dalawang beses.

Paglabas ko sa kuwarto, marahan akong humakbang papunta sa main door. Nagtago ako sa likuran bago ko abutin ang door handle. Ini-unlock ko ‘yon para makapasok siya.

Hinintay kong buksan niya ang pinto. Pagpasok niya, maagap na akong kumilos habang hindi pa siya humaharap sa direksyon ko. Mula sa likuran niya, agad kong tinakpan ang ilong niya gamit ang panyo na hawak ko. Nagawa niya pang