Kabanata 64

Kabanata 64

PASALAMPAK NA UMUPO si Clea sa maliit na sofa ng kaniyang apartment nang makapasok siya sa loob. Bumuga siya ng malalim na hininga. Isa-isa rin niyang hinubad ang kaniyang suot na takong.

She's exhausted. Buong maghapon siyang naghanap ng kumpanyang mapag-a-apply-an niya ng trabaho. At halos lahat ng 'yun ay wala ng bakante o hindi pa tumatanggap ng bagong empleyado.

Tumayo siya mula sa kaniyang kinauupuang maliit na sofa, saka dumeretso sa kaniyang hindi gaano kalakihang refrigerator ng kaniyang apartment.

Napatampal siya sa sariling noo nang makitang ubos na ang laman ng kaniyang ref., isang pitsel ng malamig na tubig na lang ang natitira sa loob. Muli niyang isinara ito. Lumapit si Clea sa kaniyang bag at hinanap ang kaniyang wallet sa loob. Baka kahit paano ay may natitira pang kaunting pera kahit pangbili lang ng kaniyang hapunan ngayong gabi. Ngunit, nanlumo siya nang wala na siyang kahit na anong makitang pera sa loob, at tanging picture na lamang niya ang mak