CHAPTER 31- THE CASTILLOs AND THE DEL RIOs

“You’re nervous?”

Tumango ako agad nang marinig ang tanong ni Jacob. Kasalukuyan kaming nasa loob ng kaniyang sasakyan at bumabiyahe patungong General Luna para sa practice ng mga kasali sa entourage sa kasal ng kaniyang ama at ng ina ni Jace na si Amara Legaspi. Sa Sto. Tomas de Villanueva Parish Church ang practice dahil doon din mismo gaganapin ang kasal ng mga ito.

At heto ako, kanina pa inom nang inom ng tubig dahil kanina pa rin kumakabog nang malakas ang dibdib ko.

“Relax, Andra. Hindi ka nila kakainin. My family members are great.”

I gave him a smug smile. Ewan ko ba, hindi ko alam kung bakit ganito ang nararamdaman ko. Kahapon ko pa pinakakalma ang sarili ko pero hanggang ngayon, kabado pa rin ako.

Imbes na i-comfort ako ni Jacob, tinawanan lang ako nito.

Pagkahinto ng sasakyan niya sa parking area ng simbahan, pinaypayan ko ang sarili ko at marahang tinapik ang aking dibdib.

Kaya mo ito, Leandra!

Pagbaba ko ng sasakyan, inilahad agad ni Jacob ang kaniyang kamay sa akin. Tina