Chapter 28

Pagkatapos niyang umiyak, napahugot siya ng malalim na hininga. Kinuha niya ang journal at iniwan ang mga files sa vault saka sinarado iyon. May nakita siyang isang button at mukhang iyon ang switch para bumalik sa normal ang dingding.

Pinindot niya iyon at bumalik nga sa dati ang semento at lumabas ulit ang screen.

Tinago niya ang journal saka lumabas ng kwarto. Pumunta siya sa kusina para uminom ng tubig.

Madilim ang kusina pero hindi niya binuksan ang ilaw. May bagong set ng contact lenses na binigay sa kanya si Eveline. May night vision iyon at safe kahit hindi niya tanggalin kapag natutulog. Nung una tinatanggal niya kapag natutulog siya pero sinasanay na niya ang sarili at minsan nakakalimutan na din niyang tanggalin.

Pagkainom niya, hinayaan niya lang na nakabukas ang ref.

Umiinom siya sa baso at tumalikod sa ref nang makita niyang may taong nakatayo sa doorway ng kusina.

"Holy shxt!" Nagulat siya at napaatras. Bumangga ang likod niya sa pinto ng ref at sa taranta nabitawan