200. Bintang

Tumango ang babae. "Oo, raket. Trabaho na hindi permanente pero tiyak na may kita! Hindi naman kalakihan ang kita pero sapat na para makatulong sayo. Ano payag ka ba?"

Tumingin ng nagpapaalam si Hazel kay Aling Fatima. "Hindi ka naman pinagbawalan ni Sir Frank na lumabas kaya naman sige, ikaw ang bahala." Wika ng matanda.

"Talaga po? Salamat po, Aling Fatima!" Tuwang-tuwa na napayakap siya sa matanda, kaya naman napangiti na rin ito.

"Ako nga pala si Miss Toni, Hazel. Pero mas bet ko na tawagin mo nalang akong Toni. Simula ngayon 'best friend' na tayo!" Ito mismo ang kumuha ng kamay ni Hazel at nakipagdaupan ng palad sa dalaga.

"Best friend po?"

Kumunot ang noo nito, pero saglit lang 'yon. "Simula ngayon ay matalik na tayong magkaibigan. Gusto kita, Hazel. Hindi ka trying hard katulad ng ate—i mean, hindi kayo magkaugali. Gusto ko ang lahat ng sinabi mo kanina. Pasensya ka na nga pala kanina ha. Akala ko kasi kanina ay may attitude ka." Hinampas nito sa braso si Hazel kaya munt