Chapter 110: Capturing Green

THIRD PERSON'S POV

Pagkagat ng dilim ay agad na nagpatawag ng isang pagpupulong si Alpha Goddess Hely, at kasalukuyan silang nasa bulwagan ngayon. Kasama sa pagpupulong sina Queen Affinity, God Astrid, Headmaster Rain, at Goddess Heldy, gayon din sina Yazenth, Leaves, Virgo, at Mnemosyne. Sina Celeste at Catterfeld naman ay nasa infirmary. Binabantayan nila ang kani-kanilang kaibigan na wala pa ring malay hanggang ngayon dahil sa nangyaring labanan kanina sa labas ng akademya.

Parehong binabantayan ni Celeste sina Green at Scarlet. Parehas silang walang mga malay ngunit wala nang mga sugat ang kani-kanilang katawan dahil kay Goddess Heldy.

Hindi niya maiwasan ang kabahan at matakot kay Green, maging si Catterfeld ay ganoon din ang nararamdaman dahil sa kanilang nasaksihan kanina. Hindi sila sigurado kung tuluyan na bang bumalik sa rati si Green. Kung kaya ay may limang mga kawal ngayon ang nakabantay kasama nila para kung sakaling magising si Green at wala pa rin ito sa kaniyang katin