Chapter 24 : Ang Tagisan ng Puso

Isang katangian ni Felix bukod sa mayaman siya ay matalino at madaling makaramdam. Sa nangyayaring sunud-sunod na tawag at sa sinabi ng tumawag ay alam niyang may kakaibang nagaganap. Habang hinihintay niyang magreport sa kanya ang kanyang tauhan ay naghubad ng damit si Felix at muli na namang naalala ang asawa.

Ngayon na lamang kase ulit niya nagawang alisin ang botones ng kanyang polo ng sarili niyang kamay. Sa loob ng halos mahigit dalawang taon ay si Yuna ang nagkakalas ng botones ng polo niya habang walang tigil ang bibig nito kakakuwento ng kung anu-ano at kung minsan naman ay puro sumbat sa kanya dahil ilang araw o linggo siyang hindi umuwi. Kaya madalas pa sa minsan sa sobrang katuwaan niya at kaligayahan ay hindi na niya napapatapos ang pangtatanggal ng botones at nauuwi na lamang sa mainit na sandali nila ni Yuna iyon. At ilang ulit na ganun ang nangyari.

Napahugot ng malalim na bungtong hininga si Felix, malayo na nga ang narating ng lahat dahil heto at malayo na ang asawa