Chapter Five

Nagpakawala siya ng malalim na paghinga, matapos niyang ma-win back ang customer na nag-complaint. Mas nastri-stress pa siya sa complaint kaysa sa sangkaterbang daily task niya.

Nagkataon na kararating niya lamang sa branch ay complaint agad ang sumalubong sa kanya. Hindi niya rin ma-blame ang manager-on-duty na hindi agad na-attend ang nag-complaint dahil nasa stock receiving area pa. Kaya kahit bitbit niya pa ang mga gamit ay hinarap niya na agad ang customer at ni-resolve ang complaint nito.

Napatitig siya sa kanyang laptop. Kahit dalawang araw na ang lumipas mula nung narinig niya ang pinag-uusapan ng kanyang boss at kaibigan nito ay sumasagi pa rin sa isip niya iyon, lalo na kapag nagkakaroon ng slack time ang kanyang diwa. 

Two years ago nang nag-take over sa kompanya ang binata niyang boss na si Miguel at mula nung araw na iyon ay kabilang na siya sa secret fans club nito. Hanggang sa isang araw ay na-realize niya na hindi isang simpleng paghanga lamang ang nararamdaman niya sa binatang amo, kung hindi natutuhan niya na itong mahalin.

Ideal man niya si Miguel, kaya gayun na lamang siya ka-inspire na makita ito o magpakitang gilas pa lalo sa trabaho. Bukod sa napaka-firm, objective at rational nito bilang Boss ay napaka-gentleman nito. Ramdam nila bilang empleyado na pinahahalagahan sila mismo nito. 

At isa nga siya sa humahanga rito. Bukod sa pagiging butihing Boss at leader nito, kagandahan ng asal at down to earth sa kabila ng pagiging bilyonaryo, ay napakagwapo at hot din nito.

Inaamin naman niya sa sarili na kailanman ay malabo siyang mapapansin nito. At ilang beses niya na rin nakita ang model nitong girlfriend na si Pebbles. Parehong anak ng mga bilyonaryo ang dalawa kaya ni minsan ay hindi pumasok sa isip niya na magkakagusto man lang ang boss niya sa kanya.

Hindi naman sa masyado siyang confident sa kanyang sarili, pero kung ganda at katawan lang naman ang pag-uusapan ay kayang-kaya niyang tapatan ang girlfriend nito, isa nga lang siyang empleyado at mahirap na probinsyana.

Pero hindi niya maitatanggi na naging palaisipan sa kanya ang naging asal ng kaibigan nito sa kanyang Boss. Masyado siyang naging feelingera kaya nasaktan tuloy siya ng husto sa pagbibigay diin nito na isa lamang siyang empleyado, kahit simula pa lamang ay tanggap niya na hanggang pangarap niya lang ito.

“Madam,” tawag ng manager-on-duty na pumukaw sa kanya mula sa kawalan.

“May complaint po sa VIP Room number 2. Kinausap ko na po, pero ang gusto niya raw na makausap iyong babae na nakausap umano sa nag-complaint na customer kanina. Ikaw yata talaga ang gusto, Madam,” paliwanag ng MOD.

Napasimangot ang dalaga sa narinig na ikinangiti na lamang ng kanyang MOD. 

“Tapusin mo na iyong dapat mong tapusin. Ako na bahala doon,” wika niya saka patamad na tumayo.

Humugot muna ng malalim na paghinga si Marga bago kumatok sa VIP room na tinutukoy ng kanyang MOD.

“Come in,” sagot mula sa kabilang bahagi ng pinto.

Inihanda na ni Marga ang kanyang customer service smile bago tuluyang binuksan ang pinto. Subalit, biglang naglaho ang mga ngiti niyang iyon, nang pagpasok niya ay nagtama agad ang mga mata nila ng lalaking ayaw na ayaw niyang makitang muli.

“I didn't expect to run with you here, Baby,” bungad sa kanya ni Xander saka siya kinindatan.

Labas na labas ang mapuputi at pantay na pantay nitong mga ngipin habang nakatitig sa kanya ng malagkit. Sa simpleng suot nitong plain navy blue polo shirt ay mas lalo lumantad ang kakisigan ng pilyong binata.

“Ikaw iyong nag-complaint?” taas-kilay niyang tanong sabay turo ng kanyang hintuturo.

Marahan itong tumango saka tumayo sa kinauupuan. Napalunok si Marga, hindi niya inaasahan na makikita pa itong muli.

“Legit ba iyang complaint mo o puro kalokohan na naman?” tamad niyang turan bago ikinibit ang balikat.

Humari ang malakas na tawa ni Xander sa good for five na VIP room. Marga rolled her eyes in annoyance. 

Mukhang sasayangin na naman ng bwesit na ‘to ang oras ko…

"Didn't you not even miss me, baby?"

pilyo nitong tanong nang iilang hakbang na lamang ang namamagitan sa kanilang dalawa.

Nangunot ang kanyang noo sa narinig at nakipagsukatan ng tingin sa pilyong binata. Nakikita niya sa mga mata nito na marami itong baon na kalokohan.

Napapitlag siya nang may tumikhim sa paligid kaya agad siyang napatingin sa pinanggalingan ng boses. Sunod-sunod ang naging paglunok niya nang matantong may dalawa pa pala itong kasama, na nasa kaliwang bahagi niya na kakatayo lamang. 

“We will wait for you in your office, Xan,” sabi ng lalaki na may hawak-hawak na laptop, at kahit nasa early 50’s na ang tindig ay mababakas pa rin ang ma-awtoridad nitong aura.

Habang ang katabi naman nitong lalaki na tila nasa late 30’s ay nakangiti lamang na nakatingin sa direksyon ng loko-lokong binata.

Nahagip ng sulok ng mga mata niya ang pagtango ni Xander, kaya lumapad ang mga ngiti sa labi ng dalawang lalaki, na pawang naka-office attire, saka makapanabay napatingin sa kanyang gawi ang mga ito at nginitian siya.

“Excuse us, Ma’am Marga,” pormal na paalam ng nasa 50’s na lalaki.

Kusang napayuko ang dalaga saka nginitian ang dalawa bilang pagpapahiwatig ng paggalang niya sa mga ito. Humakbang pa siya paatras pakanan upang ibigay ang daan sa dalawa palabas ng VIP room. 

Kapagkuwan ay napaigtad ang kanyang katawan ng mapansin ang lalaking nakatayo sa kanang bahagi niya. Napakurap siya nang mapagsino ang nakangiting lalaki.

Ba’t ba hindi ko lang man napansin na may ibang tao sa silid na ‘to bukod sa bwesit na lalaking ito?!

"You can go out now, Langga. I'll take care of things here; I know this mischievous one," kaswal niyang instruction sa nakatayong crew na mataman lamang nakamasid sa kanya.

Masayang ngiti ang gumuhit sa labi ng crew, saka yumukod sa kanya at sa tumatawang si Xander.

“I’m with my Baby now, Kheil, so I’m in good hands,” sabi pa ni Xander sa crew.

Nakabusangot ang kanyang mukha napaharap sa tumatawa pa ring binata.

“Huwag mo ng pansinin pa ang sinasabi ng lalaki na iyan, Kheil, kaya lumabas ka na,” mariin niyang utos sa naiilang na crew. 

Pinilit na maitago ang inis niya sa preskong lalaki. Ayaw niyang ma-misinterpret ng kanyang subordinate ang sinabi ni Xander at maging pulutan na naman siya ng usapan ng mga katrabaho.

Naging mabilis naman ang hakbang ng crew palabas ng silid, matapos itong nakapagpaalam ng maayos kay Xander.

"Ow, I didn't expect that you wanted to have me all to yourself, baby," he said teasingly, with a charming twinkle in his eyes and a mischievous grin on his thin lips.