Chapter 79

Nagkaroon kami sa umaga ng final meeting sa mag-asawa. Inayos namin ang bawat detalye ng negosasyon upang sa pagbalik namin ay magdadala na lamang kami ng mga punla at ilang kagamitan sa pagtatanim ng cacao.

"Mag-iimbita din po kami ng mga trainers at guest speakers para ma-seminar at nang maturuan ang mga magsasaka dito sa tamang pagtatanim at pag-aani ng cacao," sabi ko sa mag-asawang Benito habang nakaupo kami sa isang lamesa malapit sa dagat.

Mainit na ang ihip ng hangin mula sa dagat pero hindi kami nagpaawat at nanatili pa doon. Sanay na sanay na din naman ang mag-asawa sa ganito.

"Okay. Pakipadala na lang sa sekretarya namin ang kontrata." Sasama sa amin bukas pagbalik sa Hacienda Miraflor ang sekretarya nila. Ito ang magsisilbing representative nila sa mga meeting at kukuha ng mga papeles.

"So, wala na rin naman kaming mga katanungan. Kailangan pa namin puntahan sa site si engineer at architect. Maiwan na namin kayo." Tumayo na ang mag-asawa.