Chapter 70

SHAINA

"Masayang-masaya ako para sa inyong dalawa ng pinsan ko, Shaina. Ramdam ko kung gaano n'yo kamahal ang isa't isa. Sa wakas ay nahanap na ni Jacob ang babaeng magpapatino sa kanya. Alam mo naman siguro ang mga ginagawa niya dati, 'di ba? Napaka-playboy n'yan, kahit sinong babae ang inuuwi dito sa bahay niya. Sa nakikita ko sa kanya ngayon ay talagang nagbago na nga siya at dahil 'yon sa pagdating mo, Shaina. Sana talaga ay tuloy-tuloy na ang pagbabago niya dahil sa 'yo," sabi ni Ma'am Camille sa akin. Dahan-dahan na akong tumango sa kanya at nagsalita, "Alam ko naman po 'yon, Ma'am Camille. Sinabi niya rin 'yon sa akin. Wala naman po akong magagawa kung naging ganoon siya dati. Tapos naman na 'yon, eh, hindi na natin mababago pa para itama kung mali, 'di ba? Nangyari naman na 'yon. Ang kailangan po siguro natin ay magmove on sa mga nakaraan na 'yon sapagkat wala naman na tayong magagawa pa, eh. Ang importante ngayon ay kung nagbago na nga siya ay maganda. Maganda na 'yon ang nan