Chapter 3

SHAINA

Sinamahan ako ni Manong Caloy sa magiging kuwarto ko habang dito ako sa pamamahay ng boss namin nagtatrabaho. Ako lang mag-isa sa kuwarto na 'yon dahil wala namang ibang katulong dito sa loob ng pamamahay ni Sir Jacob kundi kami lang ni Manong Caloy. Hindi naman maliit ang kuwarto ko. Tamang-tama naman 'yon sa akin. Inilagay ko muna ang dalang gamit ko doon sa loob ng magiging kuwarto ko bago ako ilibot ni Manong Caloy sa loob ng malaking bahay. Sinabi na rin niya sa akin ang mga gagawin ko araw-araw. Hindi naman ako nagtaka pa sa mga gagawin ko na 'yon dahil alam ko naman talaga ang ginagawa ng isang katulong o kasambahay. Sanay naman na rin ako sa mga gawaing bahay.

"Magsisimula na po ba ako ngayon na magtrabaho?" mahinang tanong ko kay Manong Caloy matapos niyang ilibot ako sa loob ng malaking bahay at sabihin ang mga gagawin ko araw-araw.

Huminga muna ng malalim si Manong Caloy bago sumagot sa tanong ko na 'yon kung magsisimula na ba ako sa pagtatrabaho ngayong araw na 'to.

Nagkibit-balikat pa ito sa harap niya.

"Hindi ko masasagot 'yan sa 'yo dahil wala pa naman sinasabi si Sir Jacob kung magsisimula ka na magtrabaho ngayong araw na 'to," sabi niya sa akin.

"E, paano po 'yan? Wala naman po akong gagawin ngayong araw na 'to kung hindi pa po ako magsisimula na magtrabaho. Hindi naman po puwedeng nakabuntot lang po ako sa 'yo ngayon," nakangusong sagot ko kay Manong Caloy.

"Wala naman tayong magagawa kung hindi ka pa ngayon magsisimula na magtrabaho. Wala naman na kasing sinabi si Sir Jacob kanina. Kailangan na sumunod tayo sa mga sasabihin niya. Hindi puwedeng pangunahan natin siya, eh. Wala namang problema kung hindi ka pa magsisimula na magtrabaho sa araw na 'to. Mabuti nga 'yan ay puwede ka pang magpahinga. Galing ka sa mahabang biyahe, 'di ba? Magpahinga ka na muna, Shaina," sabi pa niya sa akin. Tumango ako kay Manong Caloy pagkasabi niya. Habang nag-uusap kami ay biglang dumating si Sir Jacob.

"Aalis na po kayo patungo sa opisina n'yo?" tanong ni Mang Caloy sa kanya na mabilis naman na tinanguan niya.

"Oo. Aalis na ako patungo sa opisina. Ikaw na ang bahala Mang Caloy dito sa bahay," sabi niya na nakatingin kay Manong Caloy.

"Opo, sir. Paano po pala si Shaina? Hindi pa po ba siya magsisimula ngayon na magtrabaho? Wala ka pong sinasabi kung magsisimula na siya ngayon, sir," sabi ni Manong Caloy. Tinanong niya rin si Sir Jacob kung paano ako.

Tumingin ako sa guwapo niyang mukha. Kita ko ang palunok niya sa kanyang lalamunan bago sumagot sa tanong na 'yon. Tumingin siya sa akin.

"Bukas ka na lang magsimula sa trabaho mo dito sa pamamahay ko, Shaina. Magpahinga ka na muna ngayong araw na 'to. Galing ka sa mahabang biyahe, 'di ba?" sabi niya sa akin.

Tumango-tango na lang ako sa kanya at nagsalita, "Sige po, sir. Bukas na lang po ako magsisimula na magtrabaho dito sa pamamahay n'yo. Maraming salamat po sa pagbigay ng oras na magpahinga sa akin kahit ngayong araw na 'to lang. Maraming salamat po."

Hindi siya ngumiti sa akin. Seryoso pa rin ang mukha niya kahit ganoon ay guwapo pa rin siya. Wala akong masabing iba, 'yon lang talaga.

"Walang anuman 'yon, Shaina," sagot niya sa akin at inilipat niyang muli ang kanyang tingin kay Mang Caloy para magsalita dito.

"Bukas na lang po siya magsisimula. I'm giving her a chance para magpahinga kahit ngayong araw lang. Kagagaling lang naman niya sa mahabang biyahe mula sa probinsiya niya kaya kailangan na muna niyang magpahinga." Tumango si Manong Caloy sa kanya.

"Sige po. Maliwanag na maliwanag po 'yon, sir," sabi ni Mang Caloy sa kanya. Muli siyang tumingin sa akin matapos na magsalita ni Mang Caloy sa kanya. Siguro ay may sasabihin pa siya sa akin. Nararamdaman ko 'yon.

"Kung may kailangan ka ay magsabi ka lang kay Mang Caloy. Maliwanag ba 'yon sa 'yo, Shaina? Sanayin mo na ang sarili mo dito sa loob ng pamamahay ko. You'll stay here for so long," sabi pa niya sa akin na ang nagawa ko ay tumango lang ako sa kanya bago sumagot.

"Opo, sir. Maliwanag po 'yon sa akin. Maraming salamat po ulit," sagot ko sa kanya. Tumango muli siya sa harap ko at nagpaalam na sa aming dalawa ni Mang Caloy.

Naiwan kaming dalawa ni Mang Caloy sa loob ng pamamahay niya. He has a driver na nagda-drive sa kanya palagi. May tatlong sasakyan doon sa malaki niyang garahe. Sa kanya siguro ang lahat ng 'yon. Nakita ko lang kanina na pagikot-ikot namin ni Mang Caloy.

"Saan po bang opisina pupunta si Sir Jacob?" tanong ko sa kanya. Gusto ko lang naman malaman kung saan na opisina siya pupunta. Marami pa akong hindi alam tungkol sa boss namin, eh.

"Pupunta na siya sa opisina ng kompanya nila ngayon. Hindi mo pa siguro nalalaman ang tungkol doon, eh. 'Wag kang mag-alala dahil handa kong sabihin ang mga nararapat na malaman mo sa boss natin," nakangising sagot ni Mang Caloy sa akin. Ngumiti na rin ako sa kanya bilang ganti.

"Sige po. Marami pa po akong hindi nalalaman sa boss natin, eh, kaya gusto ko po na malaman para alam ko na po. Hindi ko rin po siya lubusang kilala," sagot ko pa sa kanya.

"Malalaman mo rin ang lahat ng tungkol sa boss natin, Shaina. Makikilala mo rin siya n'yan. Pupunta siya ngayon sa opisina ng kompanya niya dahil siya ang CEO ng kompanya na 'yon. No'ng nabubuhay pa ang daddy niya ay ito ang CEO ng kompanya na 'yon. Ngayon na wala na ito ay siya na ang ipinalit. Alam mo ba kung ano ang CEO, huh?" sagot ni Mang Caloy sa akin.

"Hindi po, eh. Hindi ko po masyadong alam 'yon, eh. Ano po ba ang CEO?" tanong ko sa kanya. Mabilis naman na ipinaliwanag ni Mang Caloy kung ano ang ibig sabihin ng CEO. Naintindihan ko naman kaagad kung ano 'yon.

"Iyon po pala ang ibig sabihin ng CEO. Ngayon po ay alam ko na. Hindi ko naman po kasi naririnig ang ganyan, eh. Dito lang po sa Maynila. Matagal na po bang patay ang daddy niya? E, ang mommy niya po ay nasaan? Bakit wala po dito sa bahay niya?" sabi ko kay Mang Caloy. Nagtanong na rin ako tungkol sa mga magulang ni Sir Jacob.

"Oo. Matagal nang patay ang daddy ni Sir Jacob. Limang na taon na nang mamatay ito. Limang taon na rin siyang CEO ng kompanya na 'yon. Wala na rin ang mga mommy niya. Kamamatay lang nito noong isang taon. Ulilang lubos na si Sir Jacob," kuwento niya sa akin. Nalungkot naman ako sa sinabi niya na 'yon na ulilang lubos na si Sir Jacob. Naalala ko tuloy ang papa ko na sumikabilang buhay na rin.

"Ganoon po ba? E, may mga kapatid po ba siya?" tanong ko pa.

"Wala, eh. Solong anak lang siya ng mga magulang niya, Shaina. Siya lang ang nag-iisang tagapagmana ng lahat ng mga ari-arian at kayamanan ng pamilya niya," sagot niya sa akin. Tumango naman kaagad ako pagkarinig ko sa sinabi niya. May nalalaman na rin ako tungkol sa guwapong boss namin ni Mang Caloy.

"Wala po ba siyang girlfriend? Wala pa po ba siyang asawa?" usisa ko pa.

"Wala pa. Wala pa siyang girlfriend at asawa," sagot niya sa akin.

"Kaya po pala napakatahimik dito sa loob ng pamamahay niya kahit sa labas ay dahil kayong dalawa lang po ang nakatira dito. Kasama na rin po kayo dahil nandito ka naman na po, eh," sagot ko sa kanya.

"Ganoon naman na talaga dito. Tahimik na tahimik lalo na kapag ako na lang ang mag-isa sa bahay na 'to. Kung uuwi siya ay gabi na. Minsan nga ay madaling araw na, eh," kuwento pa niya.

"E, bakit walang ibang katulong dito sa bahay niya?" tanong ko na nakakunot ang noo.

"May mga katulong dito dati, eh, kaso nga lang ay umalis na sila kaya wala nang natira pa. Tanging ako na lang ang natira, eh," sabi ni Mang Caloy sa akin.

"Wala pa lang tumatagal na katulong dito maliban sa 'yo po," sagot ko at tumango naman siya sa akin.

"Oo nga, eh. May ugali kasi 'yan si Sir Jacob na kailangan dapat hindi ka palaging nagkakamali sa mga ginagawa mo. Dapat kapag sinabi niya na gawin mo ay gawin mo na hindi ka nagkakamali. Masungit rin kasi 'yan. Kaya walang tumatagal na katulong dahil palagi niyang sinisita kapag palaging nagkakamali. May pagka-perfectionist kasi 'yan si Sir Jacob kaya kung ako sa 'yo n'yan ay ayusin mo ang trabaho mo dito sa loob ng pamamahay niya. Iwasan mo na magkamali dahil siguradong pagagalitan ka niya, Shaina. Sa 'yo ko lang sinabi 'to ha, huwag mo nang ipagsasabi pa sa iba. Maliwanag ba 'yon?" sabi pa ni Mang Caloy sa akin.

"Hindi naman po. Hindi ko naman po 'yon ipagsasabi kahit kanino lalo na kay Sir Jacob. Salamat po sa pagsabi ng mga 'yan sa akin," sabi ko sa kanya. Nakaramdam tuloy ako ng takot sa sinabing 'yon niya na may pagka-perfectionist si Sir Jacob at iwasan ko na magkamali para hindi ako mapagalitan. Napansin ko rin na masungit talaga siya. Palaging seryoso ang mukha pero guwapo siya. Malaki ang katawan.

"Nakakatakot naman pala kung ganoon siya. Natatakot tuloy po ako. Baka hindi rin ako tumagal nito," sabi ko na natatakot matapos malaman ang mga sinabi ni Mang Caloy sa akin.

"Hindi mo naman kailangan na matakot. Gawin mo lang nang tama ang trabaho mo at iwasan mo na huwag magkamali lalo na sa mga bagay na hindi naman kailangan pag-aralan pa na kahit nakapikit ka ay kaya mong gawin," sabi pa niya sa akin. "Kung may hindi ka alam ay sabihan mo lang ako dahil tutulungan kita para malaman mo kung paano gawin."

"Opo. Natatakot pa rin po ako sa kanya dahil sa nalaman ko na 'yon mula sa 'yo Mang Caloy," sabi ko sa kanya na nakanguso.

"Huwag ka nang matakot pa sa kanya. Gawin mo lang nang tama ang trabaho mo. Hindi ka niya pagagalitan, Shaina. Hindi ko na siguro sa 'yo sinabi ang tungkol doon. Natatakot ka na tuloy sa kanya. Pero mas mabuti nang alam mo na 'yon para aware ka na ngayon. 'Di ba gusto mo na malaman ang tungkol sa kanya? Kaya kailangan mo na malaman 'yon." Muli akong tumango pagkasabi niya.