Chapter 43: Agents (Ace's POV)

CHAPTER 43

Agents

Ace’s POV

“Handa na ba ang lahat…”

Mula sa paglilinis ng baril ay binalingan ko si Boss – si Dwane na nakatayo sa pinakamataas na deck sa malaking yate na pagmamay-ari niya mismo. Ngumisi ako nang bumaba ang tingin ko sa malaking ngalan na nakalagay sa gilid ng yate.

ABV.

Umiling-iling ako, pero hindi ko magawang matawa. Wala na, inlababo na nga ang batas namin. Pero teka, hindi ito ang oras ng pagbibiro, gago ka! Baka marinig pa ako ni Dwane at maramdaman ko na lang na may tumutulo ng dugo sa katawan ko kasi binarily niya ako sa galit.

“Naka-ayos na ang team nina Kisha at Karhiza sa kanilang mga pwesto, Boss.” Tumatakbo si Luke paakyat sa deck nang narinig ko iyon. “Sumama si Alex. Hindi raw niya gusto na wala siyang magawa sa’yo kaya hinayaan ko na.”

Napaangat ako ng kilay at tingin.