Nine

MULING MAGING AKIN

Chapter 9:

ARYM ZCHRYNNE “MaiMai” –

“Aba'y oo naman po sir! Ikaw pa ba ang hindi pwede eh isa ka sa mag-sponsor sa kasal namin. Hehe. Dito ka sir.”

Hinila ni Virgilio ang upuan sa katapat ko. Hindi ko alam kung wala na ba talagang iba na pwedeng pwestuhan o sinasadya talaga niya na doon pa pwestuhin sa harap ko ang ex-husband ko.

Naramdaman ko ang pag-upo ng isang nilalang sa harapan ko, hindi naman sa assuming ako pero parang nakatingin siya sa akin. Bahagya kasi akong nakayuko dahil kinakalikot ko ang cellphone ko. 

Napangiti ako ng mabasa ang message ni Zanyca. 

“Mommy, lolo teach me how to catch a fish. I'm so happy ‘cause I caught a big fish, they called it tilapia and lolo catched some crabs. It's so nakakatakot, my gosh!”

Na imagined ko na ang itsura niya habang nag ku-kwento. 

Hindi ko alam kung bakit biglang tumahimik ang paligid. Pakiwari ko ang lahat ay nakatingin sa aking gawi. Kaya naman kunot noo akong nag-angat ng ulo kay Virgilio at tinaasan siya ng kilay. 

Abot tenga naman ang ngiti ni accla sa akin. Ang mag-asawa ay halos mangisay na sa kilig, hindi ko naman alam kung bakit. 

“Tsk. Bagay nga sila, pareho sila may saltik.”

Mahinang sabi ko sa aking sarili. 

Hindi naman sinasadya na mapatingin ako sa aking harapan. Jasper is looking at me as if I have done something wrong to him. Iniwas ko na lang ang tingin ko sa kanya at hindi na inintindi pa ang tingin niya sa akin na nagpapatibok ng mabilis sa puso ko. 

Lalo siyang gumwapo. Okay na? 

“Ah, sir sali po kayo sa laro namin, katuwaan lang. Ilalagay lang lahat ng cellphone sa table at kung kanino ang unang tumunog ay siyang gagawa ng dare. Bawal mag silent ng phone guys ah? Okay lang ba yun sir?”

“No problem.”

Mabilis pa sa alas kwatro ko pinalitan ang wallpaper ko, picture kasi namin yun ng anak ko. Pinalitan ko ito ng selfie ko. 

“Sino yung bata na yun?”

Kinabahan ako sa tanong ni Jane. Nakita niya pala ang ginawa ko. Lalo lang akong nakaramdam ng kaba. Bakit ba pakiramdam ko bibitayin na ako? 

“Ah, ano…  anak yun ng boss ko.”

Binigyan ako ni Jane ng mapanuring tingin. Alam ko naman na iniisip niya ang pamilyar na mukha ng anak ko. Kinakabahan akong umiwas ng tingin sa kanya. 

“Bakit parang kamukha ni Ja–”

“Kamukha niya ang magulang niya. Wala ng iba. Okay?”

Putol ko sa sasabihin ni Jane. Sinalpakan ko ang bibig niya ng cake para manahimik siya. Mahirap na, baka may iba pang makarinig. 

“Ako na ang kukuha ng cellphones niyo para makita ko kung naka silent ba. Syempre ang bawal madaya. Exciting! Sino kaya ang maswerteng nilalang?”

Matapos kolektahin ni Virgilio ang cellphones namin, inilatag niya lahat sa lamesa. 

“Ay pak! Gandang babae oh! Sure ako ang ganito ka-gandang babae hindi na single. Hehe!”

Tukoy ni accla sa wallpaper picture ko. 

Sinamaan ko naman siya ng tingin. 

Nakita ko naman ang pagdilim lalo ng awra ni Jasper. 

Problema ng mongoloyd na ‘to? 

Matindi ang pagpisil ko sa daliri ko na sana talaga ay wag mag reply si Sven or si Zanyca. Hindi ko maiwasan makaramdam ng tense hindi dahil sa punishment kundi sa awra na kanina ko pa nararamdaman. Tila mabigat ang mata ng nakamasid sa akin. I bit my lower lip to suppress my nervousness. 

Ring…  Ring… 

Shit! Ringtone ko yun! 

Pag sinuwerte ka nga naman! Anak ng tinapa! 

“Alright! May nanalo na! Hahaha. Check nga natin.”

Napa-hilot na lang ako sa sintido ko. 

“Uyy, video call. Kanino ‘to? Papa Sven is calling. Aba, ang gwapo ng profile picture ah.”

“Huyy, mahal ah! Kasal ka na sa akin, baka nakakalimutan mo?”

Nakangusong sabi ni Jane sa bakla niyang asawa. 

Ngayon ko lang na realized na dapat pala noon pa pinalitan ko na ang pangalan ni Sven. Si Zanyca kasi ang nag-set ng nickname ni Sven sa messenger. 

Mabilis akong tumayo para kunin sa kamay ni Virgilio ang cellphone ko pero bigla niya itong nilayo sa akin. 

“Hep! Mayroon pa tayong twist, kailangan mo yan sagutin at dapat naka-loudspeaker.”

“Wala ka naman sinabing ganyan kanina ah?”

“Meron kaya sis, ang layo lang ng iniisip mo kanina kaya hindi mo nadinig. Go ako na sasagot.”

Napanguso naman ako. Hindi pa man din ako pumapayag ay sinagot na niya. 

“Babe.”

Nanlalaki ang mata ko sa boses ni Sven. Nag power trip na naman ang lalaking yun. Babe na naman ang tawag sa akin. 

“Ay shit! Ang pogi ng angkol!”

Mabilis at buong pwersa ko inagaw sa kamay ni Virgilio ang cellphone ko. Nang makuha ko ay agad ko in-off ang loudspeak. 

“Ahm, excuse lang. Baka importante, kausapin ko lang.”

Mabilis na ako tumalikod sa kanila. Halata sa mukha ng mga kaibigan ko na hindi makapaniwala sa narinig. 

Daig ko pa nahuli ng asawa na nangaliwa. 

Kabado bente! Sheees!