Chapter 3

Avril POV

Palihim ko naman na tinitignan si Ma'am Jane na tahimik pa rin sa aking tabi hanggang ngayon. 

Wala ba siyang balak magsalita man lang? Ano yan sumama lang siya sa parents niya para makikain dito sa bahay namin? 

Tapos na kasi kaming kumain at heto nga at nandito na kami sa may living room at nakikinig lang sa usapan nang aming mga magulang. 

Dito nila itinuloy ang pag chichismisan nila kanina sa hapag. Hayst katatanda na mga chismosa pa rin hanggang ngayon. 

Di ko mabasa kung anong nasa isipan ni Ma'am ngayon. Naka poker face lang kasi siya at wala kang mababasa na kahit ano mang emosyon sa kanyang magandang mukha. 

Oo aaminin ko na malaki talaga ang pagka crush ko kay Ma'am at hindi man lang nabawasan yun kahit masama ang ugali nito. 

Para pa ngang nag mumukha siyang hot sa paningin ko lalo na pag nagagalit ito. 

Yung namumula pa ang mukha nito sa galit. Parang lalo lang lumalakas ang appeal nito sa akin pag ganun siya. 

Kaya nga madalas ay nakatitig lang ako dito at iniimagine ng kung ano ano. Buti na nga lang at hindi ako nito tinatawag lalo na pag nawawala ako sa aking sarili. 

Pero syempre hindi ko masyadong pinapahalata na malakas ang tama ko sa kanya. Tanging si Stephanie lang ang nakakaalam na crush na crush ko si Ma'am. 

Hindi ninyo naman kasi ako masisisi, ang ganda naman kasi talaga ni Ma'am. Nakakainggit nga eh. Wala man lang ka effort effort ito na mag paganda pero angat pa rin talaga ang ganda niya sa karamihan.  

Parang silang mag babarkadang lima na Professor na may kanya kanyang kakaibang ganda. Wala kang itulak kabigin sa kanilang lima kung sa pagandahan lang ang labanan. 

Huwag mo na nga lang isali ang ugali kasi itutulak mo talaga eh. Sa susungit naman kasi na dinaig pa ang mga nag me menopause sa kasungitan at sama ng ugali. 

Idagdag mo pa na sobrang terror nila sa mga estudyante na konting pagkakamali lang ay pinapa out na nila sa klase at hindi mo pa sure kung tatanggapin ka pa sa next meeting. 

Tama lang na magbabarkada talaga sila. Pare pareho ng ugali. Swerte na malas nga ang mga mapapangasawa ng mga ito eh. 

Swerte kasi nga mga beauty and brain sila, malas naman kasi nga masama talaga ang ugali. Nasa iyo na lang ang decision kung kakayanin mo ba o hindi. 

"Huwag mo isipin na gusto ko itong pangyayaring ito Del Carmen. Pinag bibigyan ko lang ang mga magulang natin. Kasi nangako sila sa akin na hanggang isang taon lang ito and after that ay pwede na tayong mag divorced" ang bulong ni Ma'am sa akin. 

Napatango na lang ako sa kanyang sinabi. Mahirap ng mag comment at baka magalit pa ang isang to. 

Kung kay Dad ay takot ako. Di mas lalo naman sa isang ito na may lahi ni satanas. 

Maya lang ay nag paalam na sila sa amin na uuwi na. 

"Kumpadre kami ay hindi na rin magtatagal pa at medyo malalim na rin ang gabi. Total naman ay nagkasundo na tayo at nakapag desisyon na rin. Kami ay aalis na at ng pare pareho na tayong makapagpahinga. Alam ko naman na mga pagod din kayo." Sabi ni Tito 

Kaya naman nag sipag tayuan na kami sa pagkakaupo at giniya sila hanggang sa may pintuan. 

"Anak kiss mo naman ang iyong fiance oh. Dapat ngayon pa lang ay masanay na kayo sa isat-isa ng hindi na kayo mag kailangan pa kapag kinasal na kayo" ang mahabang litanya sa amin ni Dad

Ano ba naman itong si Daddy at may pahabol pang paganun. Mabuti naman sana kung hindi ito force marriage at talagang hahalikan ko itong si Ma'am Jane kahit hindi nito sabihin. Pasikat talaga 

Napipilitan na lumapit ako kay Ma'am Jane at hinalikan ito sa kanyang pisngi. Mas mabuting sundin ko na pang ito para wala ng maraming salita pa at baka pag hindi ko ginawa ay maisipan pa nitong patulugin ako sa bahay ni Ma'am Jane. 

Agad namula ang pisngi ko sa aking ginawa. Walang hiya ngayon pa ako tinablan nun kung kailan n*******n ko na ito.

Pansin ko naman kay Ma'am ay mukha din itong nabigla. Halata ko nga na medyo namumula din ang mukha nito eh. Hindi yata nito expect na gagawin ko yung sinabi ni Dad. Kaya tuloy parang nabigla ito sa ginawa ko. Pero maya maya lang ay biglang nanalim ang tingin nito sa akin. 

Bigla naman akong kinabahan dahil sa galit nitong tingin sa akin at medyo lumayo dito ng kaunti. Mahirap na at baka hindi ito makapag timpi ay kahit kaharap pa namin parents namin ay makatikim ako dito. 

Kung wala lang siguro ang mga parents namin dito ay baka kanina pa ako nasapak nitong si Ma'am. 

Sa isip isip siguro ni Ma'am Jane ay sinasamantala ko ito kaya ganyan na lang kung makatingin sa akin ngayon. Pahamak naman kasi masyado si Dad eh.  

"Oh sya kumpadre, mauna na kami at parehong may mga pasok pa itong mga bata eh." Sabi ni Tito at tuluyan ng umalis ang mga ito at sumakay sa kanilang kotseng dala. 

Pumasok na ako sa loob ulit ng bahay at kinuha ko ang dala kong gamit sa room. Uuwi na ako sa condo ko. Wala na akong balak pang matulog dito. Bahala sila dyan kung pumayag man sila o hindi basta uuwi ako ngayon sa condo ko. 

Nagpaalam na lang ako kay Mommy at hindi na kay Dad. Masama ang loob ko dito. At hindi ko pa siya kayang harapin sa ngayon.

Hindi ako nakipag talo dito kanina dahil ayaw ko na mapahiya naman ito sa kumpare niya kanina. 

Mabuti nalang at pumayag naman si Mom at hindi na ako pinilit pa. Ramdam din kasi nito na masama din ang loob ko sa kanya dahil sa hindi nito pag support sa akin kanina. 

Pumayag ito na mangyari ang bagay na iyon. Imposible na hindi nito alam iyon. Malamang kasama ito ni Daddy na nag plano para sa kasal na iyan. 

Nakabalik na ako dito sa condo ko at hanggang ngayon ay hindi ko pa rin mapigilang isipin ang mga pinag usapan namin kanina sa bahay. 

Oo nga at crush ko si Ma'am pero hindi naman ibig sabihin non ay gusto ko na agad magpa kasal at gusto ko rin na maging asawa ito. 

Ang bata ko pa kaya. 19 pa lang kaya ako tapos ang pagkakaalam ko ay nasa 28 na yata ang edad ni Ma'am. Hindi nga lang halata dito kasi nga mukhang bata pa ito tsaka ang ganda ganda pa. 

Si Ma'am yun ang pwedeng pwede na talagang mag asawa. Kasi nasa right age na ito at may narating na sa buhay. 

Ako wala pang napapatunayan sa buhay kundi kagandahan pa lang. Ayaw ko naman na may masabi sa akin ang mapapangasawa ko na palamunin lang. Gusto ko kasi na stable na ako bago mag asawa. Pero anong magagawa ko nakapag decide na sila para sa buhay ko. 

Buti nga at napapayag ng parents niya si Ma'am na e arranged marriage ito eh. Tingin ko kasi doon ay may sariling desisyon at hindi basta basta nakikinig sa iba. 

Napabuntong hininga nalang ako at dumiretso na sa cr para makapag shower. Need ko kasi ito at ng kahit paano ay  ma relax naman ako. 

Nakaka stress kasi ng sobra ang nalaman ko kanina. Ayaw ko man isipin ay hindi talaga siya mawala sa isipan ko. Nakakabigla naman kasi hindi ba?

Kanina bago pumunta sa bahay ay single pa ako. Tapos wala pang isang oras ay biglang may fiance na agad ako. At hindi lang iyon ha yung terror na Professor ko pa. Hay buhay nga naman oo. 

Buti na nga lang at kahit paano ay napapayag ko sila na after na lang ng kasal kami mag sasama ni Ma'am. My god isipin ko pa lang na makakasama ko siya sa iisang bubong ay hindi ko na alam ang gagawin ko. 

Iyon pa nga lang na ilang oras lang siyang nagtuturo sa amin ay halos di na ako makahinga sa takot sa kanya. Yun pa kayang makasama siya at magiging asawa ko pa. 

Good luck na lang talaga sa akin. Sana naman maging mabait ito sa akin pag kasal na kami. Kasi sa totoo lang gusto ko pang mabuhay ng matagal. 

After ko makapag shower ay naglaro na lang ako ng ML nang sa gayon kahit saglit lang ay mawala siya sa isip ko. 

Halos abutin na ako ng madaling araw nang magsawa na akong maglaro at maisipan ko na matulog na rin. Total inaantok na rin naman ako eh. 

Dahil sa antok ay agad na akong nakatulog at halos mag 9 am na ng ako ay magising hindi na nga ako naka abot sa dalawang subjects ko ngayon dahil late na ako nakapasok. 

Medyo puyat pa nga ako. Buti na nga lang at hindi ko siya teacher at MWF ang schedule namin sa kanya. 

Tsaka medyo iiwasan ko muna siya ngayon dahil mahirap na at baka bigla akong singilin nito ng sampal dahil sa panghahalik ko sa pisngi nito kagabi. Hello hindi ko kaya kasalanan iyon. Kasalanan iyon ng Daddy ko. Di kung gusto niya si Dad ang singilin niya ng sampal na alam ko namang hindi nito gagawin. 

Naglakad na ako patungong Cafeteria at kanina pa kumakalam ang aking sikmura. Hindi na kasi ako nakapag breakfast pa dahil sa pagmamadali kong pumasok. Mabuti na nga lang at wala pa dito ang mga dyosang Professor kaya naman nakahinga ako ng maluwag dahil doon.