Chapter 2

Stephanie

Nang makuha ko na ang aking schedule ay tumuloy na ako kaagad sa first subject ko.

Nakita ko naman na iyong terror na Professor ang magiging teacher namin sa subject na chemistry.

Hays bakit ba kasi siya pa ang magiging teacher namin eh ang dami pa naman na iba dyan. Sana naman ay hindi siya masyadong mag sungit sa amin.

Pero parang niluluko ko na lang ang sarili ko nun dahil alam na alam ko naman kung gaano ka terror ang Professor na ito. Kaya nga halos walang gusto na mag enroll sa kanyang subject kapag nakita na ito ang magiging Prof eh.

Maliban na nga lang doon sa no choice na kasi puno na ang ka Prof na may hawak din ng same na subject sa kanya. Kaya napipilitan na lang na sa kanya mag enroll.

Balita ko pa nga dito kay Ms. Jane San Gabriel na ito ay marami itong binabagsak na estudyante lalo na kung hindi nag se seryoso ng pag aaral sa subject niya.

Nag lalakad na ulit ako dito sa hallway ng may biglang nag tanong sa akin na cute na may katangkaran din na babae.

"Hello, pwede magtanong?" Ang sabi nito sa akin na nakangiti ng malaki.

Ngumiti din naman ako dito pabalik. "Oo naman, ano ba iyon?" Pabalik kong sagot dito.

Maya lang ay nagtanong na siya sa akin kung saan ang room ng Chemistry. Mukhang isa pa ata ito sa magiging classmates ko eh.

"Hay naku sumunod ka na lang sa akin at doon din lang ang punta ko ngayon." Nasabi ko na lang sa kanya ng nakangiti.

Mukha kasing ang bait bait nito at magaan ang loob ko sa kanya.

Maya lang ay nagpakilala na ito sa akin. "Ako nga pala si Avril Del Carmen." Pakilala nito kaagad sa akin.

"Ako naman si Stephanie Biel Monteverdi." Pakilala ko naman dito.

Agad naman nitong inabot sa akin ang kanyang kamay at nag handshake kami tsaka na namin ipagpatuloy ang pag lalakad papunta sa classroom.

Medyo marami na rin naman na nandito sa room buti na nga lang at may space pa sa may bandang gitna.

Dito kasi ako madalas umupo eh. Ayaw ko kasi sa masyadong hulihan at parang wala akong matututunan pag doon ako nag pwesto.

Tapos pag sa may harapan naman eh parang sobrang lapit ko naman na masyado sa board at naduduling lang ako pag ganun.

Kaya dito na lang sa gitna. At Least neutral lang sya.

Agad din naman na tumabi sa akin sa kabilang upuan si Avril. Nakipag kwentuhan na rin ako dito ng kung ano ano.

Hanggang sa napunta ang topic namin sa aming magiging Prof sa subject na ito.

Yun nga napag usapan namin kung gaano ito ka terror sa kanyang mga estudyante at kung paano ito mamahiya pag hindi nasasagot ang kanyang mga tinatanong.

Kaya nga halos wala ng gusto na maging teacher ito eh. Pero wala pa rin talaga silang magagawa lalo na at overload na ang mga estudyante sa ibang prof na same din lang ang subject na hawak katulad nito.

Maya lang ay bigla na lang tumahimik na para bang may dumaang masamang hangin sa kanilang harapan.

Nagkatinginan muna kami ni Avril bago dahan dahan na tumingin sa may harapan banda upang tingnan kung sino ang pumasok na yun.

Isang parang anghel na bumaba sa lupa ang nasa harapan namin ngayon.

Agad naman nitong nilapag sa may table ang kanyang mga dala dala at tinignan kami sa isang napaka seryoso na mukha.

Ito na ba ang sinasabi nila na terror na Professor? Parang hindi naman eh. Ang bait bait kasi ng itsura nito na para bang hindi makabasag pinggan ito.

Nang balingan ko naman ang aking katabi ay kita ko naman sa mukha nito ang labis niyang paghanga kay Ms. San Gabriel.

Mukhang nagkaroon pa ata ito ng crush kay Ma'am.

Mga ilang saglit lang ay nagsalita na si Ma'am Jane at nag umpisa na itong mag sulat sa board.

Hindi na rin siya nagpakilala pa at hindi na rin ito nag tanong pa ng mga names namin.

Basta pinapasa na lang kami ng aming mga index card at nagsimula na itong mag sulat sa board.

"Ito ang magiging topic natin sa subject ko sa loob ng isang semester. Kaya ngayon pa lang ay sinasabi ko na sa inyo na mag advance reading kayo. Dahil hindi ako ang klase ng tao na mapapakiusapan nyo about sa magiging grades nyo sa akin. Kung nag aral kayong mabuti ay malamang na papasa kayo sa subject kong ito. Pero kung pa easy easy lang kayo at hindi mag aaral ng mabuti eh ngayon pa lang sinasabi ko na sa inyo e drop nyo na ang subject na ito dahil nag papakahirap lang kayong pumasok at hindi rin lang naman kayo makakapasa. Sinasabi ko sa inyo ito ng maaga pa lang para wala ng sisihan pa pagkatapos ng semester na ito at kayo ay bumagsak. Nagkakaintindihan ba tayo?" Mahabang paliwanag nito sa amin bago kami tinignan ng nakataas na ang isang kilay nito.

Mukhang tama nga ang sabi sabi about kay Ma'am. Na wala itong pakialam kung bumagsak ka man o hindi.

May point din naman kasi ito. Kung di ka nga kasi mag aaral ng mabuti ay babagsak ka nga naman sa subject niya. Pero kung masipag ka at nakikinig sa kanya ay wala nga naman dahilan para e failed ka niya.

Yung mga tamad lang mag aral ang natatakot na mag enroll sa kanya. Dahil takot ang mga ito na bumagsak dito.

Nang bumaling ulit ako sa aking katabi ay nakatulala pa rin ito kay Ma'am Jane na para bang nag e imagine ng kung ano.

Kumikislap pa ang mga mata niya na para bang gandang ganda sa kanyang nakikita. Naku patay na talaga ang nag lason.

Please lang Avril kung mahal mo pa ang buhay mo. Huwag mo ng pangarapin pa ang katulad ni Ma'am Jane. Dahil magsisisi ka lang pag ito ang nagustuhan mo. Sa isip isip ko.

Maya lang ay nagsalita na ulit si Ma'am. "Sa next meeting nga pala natin ay may oral recitation kayo about sa next topic natin. Kaya ngayon pa lang ay sinasabi ko na sa inyo na mag advance reading na kayo para di kayo tatanga tanga pag nag tanong ako sa inyo. Nag kakaintindihan ba tayo!?" Malakas na sigaw nito sa amin.

Kung kanina ay may authority lang na nagsasalita ito. Pero ngayon ay para na siyang mag bubuga ng apoy dahil hindi kami nagsasalita kanina pa. Naka tanga lang kasi kami sa kanya eh.

Sino ba kasi ang nasa matinong pag iisip pa ang magsasalita at salungatin ito kung ganito naman kasi siya.

Nag "yes Ma'am" na lang kami dito upang hindi na ito magalit sa amin. Ano ba yan first day of classes pa lang galit na ito kaagad.

Napairap naman ito sabay ikot ng kanyang mga mata ng marinig ang pagsagot namin sa kanya.

Maya lang ay nagpaalam na si Ma'am at nag mamadali na rin itong umalis sa room namin.

Habol na lang ng tanaw ang aming nagawa dito at ng makalabas na ito ng tuluyan sa room ay siya namang pag buga namin ng aming mga hininga na para bang nakahinga na kami ng maayos ngayon.

At itong katabi ko. Ayon ang laki ng ngiti. Hays isa ring may sapak ata sa utak ang isang ito eh.