Ep2 Chapter 55

"Anak ko" tinakbo siya ng kanyang ina. Iyak ito ng iyak ng yakapin siya.

Niyakap din siya ng kanyang ama at mga kamag anak. Lahat sila ay umiiiyak sa tagpong iyon. Masayang masaya sila. Hindi siya makapaniwalang dumating na ang pagkakataon na ipinagdarasal niya.

"Tinawagan kami ni Monica, kinontak daw siya ni Ellie. Nakipagkita muna siya sa amin, saka niya kami isinama dito," masayang sabi ng tatay niya.

"Totoo ba yun Ellie?" hindi siya makapaniwala sa narinig sa ama "ipapaubaya mo na ako sa mga magulang ko?"

"Hmmm oo," ngumiti ito ng mapait "sorry sa mga nagawa ko sa inyo. Nabulag lang ako ng pagmamahal ko sayo. Pero hindi ko pala kaya talaga.. at ego na lang pala ang nagpapakapit sakin sayo. Hindi ko kasi matanggap, na ipinagpalit mo ako. Pero ngayon.. ngayong magkakaanak na ko..."

"Buntis ka?" gulat na gulat ang mama niya.

"Magkakaapo na kami?" tanong ng papa niya.

"Hindi po.. hindi ito kay-- hindi ito kay Bernard." nakayukong sagot ni Ellie.

"Eh sinong tatay niyan?" nanlalaki ang