UMILING-iling ang ulo ni Aling Onang na sinundan ng pagdaing ang mukha nito. Kapwa sinapo ng kamay nito ang bahaging iyon ng katawan nito. “W-wala ako matandaan. Saka n-nasaan ba ako? ano ang ginagawa ko dito?”Mabilis namang dinaluhan ni Laila ang lola nito na nagsimulang magdeliryo dulot ng sakit. “L-lola, kalma lang po, wala pong mananakit sa’yo dito.”Pakiramdam ni Tracy ay naiwan siyang naka-hang sa pagtawid sa tulay ng katotohanan. Gusto pa niyang usisain si Aling Onang pero hindi naman nakikiayon ang pagkakataon. Naging kritikal namana ang sitwasyon.“May regular bang doctor na tumitingin sa kanya?” tanong niya kay Laila na pilit pinakalma ang matandang babae.“Meron po Ma’am, kaya nga po napunta kami dito sa San Pascual,” sagot ng dalaga. “Ma’am, kailangan ko na po munang maialis dito sa Lola at madala po sa psychiatric clinic. Baka po gumawa siya ng hindi magandang eksena dito sa resto.”“S-sige, pasensya na kung naging matanong ako sa Lola mo,” may munting guilt siyang
HINAYAAN ni Fien na itulak siya ni Camila pahiga sa malambot na kama. Natabunan ng init ng sandali at ng kanilang mga katawan ang malamig na hangin na ibinubuga ng aircon. Kinubabawan siya ng babae at ganap na nitong nahubad ang suot niyang long-sleeves. Sinimulan na rin nitong hubarin ang sarili.He saw the sparks of desire were in her eyes. Sinimulan nitong siilin ng halik ang labi niya. Tinugunan niya ang ginagawa nito sa bahaging iyon ng katawan niya. Katulad ng sinabi niya kanina, hahayaan na niya ang babae na magmanipula sa pinagsasaluhan nila sa gabing iyon.“You always made me crazy about you, Mr. Montagne,” halos pabulong na sabi ni Camila nang minsang maghiwalay ang kanilang mga labi. Sa mga kilos at galaw nito ay masasabing ekperto sa ginagawang pagpapaligaya sa mga kalahi ni Adan.Isa itong mapanuksong Eba.Nginisian niya ito. “Then prove it honey.”Isang naghahamong mga sulyap ang itinapon nito saka sinibasid nito ng halik ang leeg niya. Naramdaman niya ang dila nito
Mena,Alam ko na hanggang ngayon ay nagtataka ka sa pagkawala ko sa inyong mansyon. Maraming tao na nagkasama tayo at pinaglingkuran kita dahil sabay tayong nagdalaga. Naging karamay mo ako sa lahat ng mga pinagdaanan sa buhay mo. At maging ikaw ay hindi nagdamot ng tulong sa akin sa mga panahong nangangailangan ako.Naging masaya ako nang maikasal ka na, nakita ko sa’yo ang labis mong pagmamahal sa iyong asawa na si Rolando. Isang patunay doon na iniwan mo ang buhay pag-aartista mo para lang sa kanya. Sa kabila ng maraming tagahanga mo noon ay nanaig pa rin sa’yo ang kagustuhan ng puso mo. Masayang-masaya ako para sa’yo noong araw ng kasal mo. Natupad mo ang pangarap mo na magkaroon ng isang nagmamahal na asawa at bubuo ng pamilyang nais mo.Subalit hindi ko akalain, na magiging hanggang pangarap lang sa’yo ang lahat. Nangarap kang magkaroon ng anak pero ang iyon naging isang kabiguan. Isang masamang balita na ayaw ng iyong asawa mismo sa dinadala mo sa sinapupunan mo. Hindi niya
“AYAN na pala ang Tita ko, Tracy, kasama ang asawa niya,” excited na sabi ni Tessa na nanatiling nakatutok ang tingin sa paparating na bisita. Napansin din niya na dalawang tao na papalapit sa kanila ni Tessa. Natandaan niya na nakita niya ang picture ng mag-asawa sa isang lifestyle article sa isang online news site. Dumalo ang mga ito ng launching ng bagong perfume. Isang patunay na galing sa nakakariwasang buhay ang mga ito. “S’ya nga pala Tracy, siya si Tita Felicitas Santos,” pagpapakilala sa kanilang dalawa ni Tessa. “Siya ang tumanggap ng dugo mo at siya Tito Rommel naman ang asawa niya.”“Ikaw pala si Tracy Alcantara,” nakangiting mas nilapitan pa siya ni Felicitas. “Ang taong nagbigay ng dugo sa akin. Utang ko sa’yo ang buhay ko.”Tumango siya. “Nice to meet you po Ma’am. Masaya po ako na magaling na po kayo.” Nakita niya sa itsura ng babae ang taglay na kasiglahan.“Maraming salamat sa’yo Miss Alcantara sa pagtulong mo sa aking mahal na asawa,” dagdag na sabi ni Romme
“TRACY, anak may naghahanap sa’yo, si Felicitas Santos daw,” imporma ni Hernando nang muli itong bumalik sa dining area. “At may kasama siyang mag-asawa na gusto ka raw makita.”Iisang mata na napatingin sa kanya sina Lyra, Consuelo at Lola Meding. Nakita niya ang pagtatanong sa mukha ng mga ito.“Bakit kayo po nila ako hinahanap?” nagtatakang tanong niya sa sarili. Kahapon ay kakikita lang nila ng personal ng taong binigyan ng dugo. Napuno siya ng kuryusidad.“Mabuti pa ay labasin mo muna sila,” utos ng Papa niya. “Pinatuloy ko na sila sa salas.”Tumango siya at uminom muna ng tubig. Tumayo na siya saka lumakad na patungo sa salas. Sumasabay sa bawat hakbang ng paa niya sa ritmo ng pintig ng puso niya. May kaba siyang nadarama na hindi niya maipaliwanag.Hanggang sa bumungad na siya sa naghihintay na bisita sa kanya sa gabing iyon. At talagang sinadya pa siya dito sa bahay ng mga magulang at kapatid niya dito sa Sta. Maria.“Magandang gabi po Ma’am Felicitas,” kaagad na bati n
“OKAY ka lang ba, Tracy?” tanong sa kanya ni Consuelo na katabi niya sa kinauupuan sa okupadong table. Kasaluluyan silang nasa isang DNA Testing Center. Kasama niya ngayong hapon ang kinagisnang ina pati na rin si Hernando para harapin ang ebidensya ukol sa totoong pagkatao niya.“Medyo kinakabahan po ako sa result Ma, pero nakahanda naman po ako kung anuman po ang kalabasan.” Pinagsugpong niya ang mga kamay para mabawasan ang kabang nadarama.“Anuman ang maging resulta ng DNA test mo sa mag-asawang Villa Aragon, hindi magbabago ang pagtingin namin sa’yo,” lahad naman ni Hernando na may matamang pinagmasdana ang mukha niya.Malungkot siyang ngumiti sa mga ito. “Iba rin talaga maglaro po ang tadhana, kung kailan tinanggap na ninyo ako sa pamilya ay saka pa nagkakaroon ng mga koneksyon tungkol sa totoo kong pamilya. Kung kailan maayos na po ang lahat.”Hinawakan ni Consuelo ang isang braso niya. “Tracy, anak, huwag mong ipagdamot ang sarili mo sa totoong magulang mo. Kung sakalling
“MAMI-MISS ko ang apo kong masarap magluto ng pagkain dito sa bahay,” may bahid ng lungkot na sabi ni Lola Meding kay Tracy. Pinuntahan siya ng abuela niya sa silid niya sa bahay nito na nakatakda na niyang lisanin. “Lagi kang welcome dito huh.”“Ang lola talaga oh, lalo po ako na mahihirapan na umalis n’yan,” kunwa’y biro niyang sabi pero may kabigatan sa kalooban niya. Malaki ang tinatanaw na utang na loob niya dito. Ang tumulong sa kanya na bumangong muli buhat sa pagkakadapa.“Basta apo, hindi kita maaaring pigilan sa pag-alis mo,” masuyong hinawakan nito ang isang kamay niya. “Huwag mong ipagdamot sa sarili mo na makasama ang iyong totoong mga magulang mo.”Napapaluhang tumango siya. “Sana nga Lola, matanggap po ako ng mundong ginagalawan nila. Alam ko po na hindi ordinaryong pamilya ang Villa Aragon. Medyo natatakot po ako sa pagbabagong ito ng aking buhay.”“Tracy, napagdaaanan mo na ang malalaking pagsubok sa buhay mo,” paaala ng Lola niya. “Nagawa mong makatayong muli at magp
“ALAM ko na ako ang may kagagawan kung bakit napawalay ka sa ating pamilya Tracy,” mababang tono na sabi ni Rolando matapos pumasok sa silid niya sa mansyon ng mga Villa Aragon. May guilt na nakakintal sa seryosong mukha nito. “Hindi sana mangyayari iyon kung hindi ko pinagdudahan ang sarili ko noon.”“D-Dad,” usal niya sa unang pagkakataon na tinawag sa ganoong paraan ang totoong ama. May bumibikig sa lalamunan niya at tila nagsisikip na naman ang dibdib niya.Nakatingin lang sa kanilang dalawa si Filomena. Walang mabakas na emosyon sa magandang mukha nito sa kabila ng katandaan.Lumapit pa lalo sa kanya si Rolando at hinawakan ang isang kamay niya. isinubsob nito ang ulo doon. “Patawarin mo ako anak, patawarin mo ako. Pangako, babawi ako sa’yo.”Naantig ang damdamin niya sa ginawing iyon ng ama. Kinabig niya ang ulo nito at nagtama ang kanilang mga mukha. “Tapos na po ‘yun Dad, pinatawad ko na po kayo. Ang mahalaga po ngayon ay magkakasama na tayong muli. Buo na ang pamilya nati