Chapter 80: Memories in the Past

ABALA si Lucia sa paglilinis ng mga gamit nang biglang mahulog ang litrato ni Eduardo at nang sandaling dumikit ang kanyang daliri sa litrato ay bigla siyang nakaramdam nang malakas na pagkabog ng dibdib nang sandaling iyon.

“Ano itong nararamdaman ko?” bulalas na tanong ni Lucia sa kanyang sarili.

Hindi siya mapalagay nang sandaling iyon at mas lalo siyang nakaramdam ng pagkabalisa nang dumapo ang kanyang mga mata sa litratong kanyang hawak.

“Ed, anong ibig mong sabihin?” tanong ni Lucia habang nakatitig sa maaliwalas na mukha ni Eduardo, ang lalaking kanyang unang inibig.

At nang sandaling iyon ay nanariwa sa kanyang alaala ang mga masasaya, matatamis at kapana-panabik na sandaling dalawa ng kanyang unang pag-ibig.

“Hija, dito ka magtatrabaho. Ito ang bahay ng pamilya Salvatore,” pagpapakilala ni Aling Elena.

Alalang-alala pa ni Lucia ang unang beses na makita niya ang pamamahay ng mga Salvatore. Aminado siyang labis siya nakaramdam ng pagkamangha nang sandaling iyon dahil sa ganda