Chapter 6

Sumunod na araw paglabas ko sa kwarto wala na si Drake, mas mabuti na rin na ganito.

Maagang pumasok sa opisina katulad ng palagi niyang ginagawa. Wala akong pakialam kahit doon na siya tumira. Mas mabuti dahil hindi ako mahihirapan at mahahanap na rin ang kapatid ko panigurado.

"Ma'am Zariah!" a soft baritone voice call my name.

Napatalon ako sa gulat at napahawak sa dibdib ko. Huminga ako ng malalim bago humarap.

Si Orwell. Nakasuot siya ng puting v neck t-shirt at itim na pants.

Kinunutan ko siya ng noo. "Why? Do you need something?"

Binalik ko ang atensyon ko sa ginagawa kung scrambled egg. Kanina pa ako naiinis dahil hindi ko magawang lutuin ng tama.

"Sabi ni boss na kung kailangan mo raw ng tulog sabihin mo lang sa'kin." Sumulyap siya sa sa pan na may durog na mga itlog. Bumaling din ako roon at napangiwi.

"Okay, I don't know how to cook!" bigo kung sabi.

Kumunot ang noo niya kaya natigilan ako. Alam kaya niya na marunong nagluto si Zariah? Itinago ko ang kaba ko. Tumikhim ako habang nakatingin sa kanya.

"Bakit?" I asked. Kailangan kung malaman kung alam niya ang totoo.

"Miss alam mo kung paano magluto, ipinagluluto mo pa nga si Sir Drake kung minsan."

Alanganin akong tumawa. "Tinulungan ako ni Manang!" Tumawa ulit ako. Tama ang naisip mo Zaraya.

Tumango ito. Laking pasalamat ko na hindi na nakipagargumento pa. Hindi ako handang magpaliwanag sa kanya.

Tinulungan niya akong magluto. Matiwasay akong kumain ng breakfast. Hindi sunog at hindi hilaw ang pagkain ko. Siguro sa susunod siya nalang ang uutusan ko na magluto habang pinagaaralan ko kung paano.

Noong dumating ang takip silim kaagad akong bumaba para hanapin si Orwell ulit. Kailangan ko ng magluto ng dinner ko. At kailangan ko ang tulong niya.

"Orwell!" tawag ko.

Mabilis siyang lumingon. Ganoon din ang mga kasamahan niyang kausap niya kanina.

"Good evening, Miss Zariah!" bati nila.

Tipid akong tumango. Binalik ko ang tingin ko kay Orwell na ngayon nakatingin na rin sa'kin.

"Hindi ako marunong nagluto kaya magpapatulong sana ako ulit. Pinag-aaralan ko pa kasi kung paano," sabi ko.

Tumingin siya sa mga kasamahan niya at nagpaalam bago sumunod sa'kin.

Tumulong ako sa paghihiwa ng nga gulay. Busy din siya sa paghuhugas at maghiwa ng manok. Gusto kung kumain ng Chicken Caldereta kaya iyon ang lulutuin namin.

"Tama ba ang ginagawa ko?" tanong ko sa kanya. Natapos ko na ang patatas nasa carrots na ako.

Huminga siya ng malalim. "Huwag mo na lang masayadong lakihan ma'am! Matagal din kasi iyang maluto."

Tumango ako at kaagad na sinunod ang sinabi niya. Ingat na ingat ako sa bawat pagtama ng kutsilyo sa carrot kahit hindi ko alam kung tama na ba ang sukat ng mga nahiwa ako. Ayaw ko ng magtanong ulit dahil nahihiya ako.

Natigilan ako noong maramdaman ko na may nakatingin sa'kin. Lumingon ako sa kanya ngunit seryoso siya sa ginagawa. Napasinghap ako noong dumapo ang tingin ko sa pinto ng kusina.

Nakasandal si Drake habang nakahalukipkip, his eyes is dangerous. Mabilis akong nag-iwas ng tingin.

"Having fun, Orwell?" his dangerous baritone voice echo.

Napalunok ako dahil sa kaba. Wala naman akong ginagawang masama pero natataranta ang kinakabahan ako sa kanya. Sa maari niyang isipin, kahit wala akong ginagawang masama.

"Good morning sir!" narinig kung bati ni Orwell.

"Anong ginagawa nyo?" Nahigit ko ang aking paghinga noong naramdaman ko siya sa tabi ko.

Napapikit ako ng palihim. Umakto na busy sa ginagawa ko.

"Tinulungan ko lang po na magluto si—" Hindi natapos ni Orwell ang sinasabi niya dahil mabilis siyang pinutol ni Drake.

"I'm not asking you!" bakas ang iritasyon sa boses niya.

"Anong ginagawa nyo, Zariah?" tanong niya habang nakatingin sa'kin.

Huminga ako ng malalim. Tumingin ako sa kanya. "Nagpapatulong lang akong magluto sa kanya dahil hindi ako marunong na magluto. Nagugutom na ako at gusto kung kumain."

"You should call me next time para umuwi na ako at ipagluto ka kung gusto mo." Umawang ang bibig ko.

"Huh? Bakit?"

Tumaas ang isang kilay niya dahil sa naging reaksyon ko. "Bakit? Bawal ko bang ipagluto ang asawa ko?"