Chapter 5 : Selos

Bagamat ganun ang nangyari mas minabuti ni Red na sulitin ang araw na sila pa ni Sky. Dahil iniisip niya darating ang panahon baka lumayo ang loob ni Sky sa kanya dahil para saan pa ikakasal naman siya sa iba. Itong bagay na ito ang lubos na nasasaktan siya, sa dami ng pinag daanan niya para mapasagot lang si Sky sa isang iglap ay mawawala.

Kaya naman nag pasya ito makipag kita sa kanya. Nagkataon din naman mag On The Job Training (OJT) na ang dalaga sa Maynila kaya plano niyang makita ang nobya. Nagkasundo ang dalawa na magkikita subalit hindi nabanggit ni Red kung kailan.

Sa pag nanais i-surprise ni Red ang nobya, kasama niya noon ang pinsan na si May para ma-meet din ni Sky.

“Mahal nasaan ka?” tanong ni Red

“Nandito po papasok na sa apartment na tinutuluyan namin”

Pinagmamasdan lang pala ni Red si Sky habang papasok ito sa sinasabi niyang apartment. Subalit nag iba ang mood nito ng makita niya na may kasama itong ibang lalake. Iniisip niya na niloloko lang siya ni Sky kagaya ng pinsan niya. Kaya naman halip na isorpresa ito umalis na lang ito basta ng walang paalam.

Galit na galit naman si Red ng sabihin niya ito sa nobya.

“Ah talaga ba? Ang saya saya niyo ah kulang na lang mag holding hands kayong dalawa!” galit na sabi ni Red

“Sana lumapit ka para malaman mo kung sino ba yung kasama ko! Nagagalit ka ng walang dahilan” depensa naman ni Sky

Sa sobrang galit naman ni Red naihalintulad na niya ang nobya niya sa pinsan nito. Pinag bintangan niya na pareho lang silang manloloko. Wala naman magawa si Sky kundi umiyak, dahil pinipilit nito ang hindi niya naman ginagawa. Sobrang sama ng loob ni Sky sa nobyo dahil pinag bibintangan niya itong pilit. Kung sana pinakinggan lang niya ang paliwanag ni Sky, inuna nito kasi ang galit kaysa ang intindihin ang sitwasyon.

“Bakit tinanong mo ba kung sino ang kasama ko? Kahit sinasabi ko na sayo ang totoo na classmate ko siya, magkatabing apartment lang kami mga babae at lalaki. Bumili kami ng magagamit namin kaya magkakasama kami lumabas, nahuli lang kami at ang mga kasama namin nasa harapan lang namin” pag papaliwanag ni Sky

“Sige mag hiwalay na lang tayo kung akala mong niloloko kita” ani Sky

Buo na ang desisyon ni Sky na maghiwalay na sila ni Red, ngunit tila nahimasmasan si Red sa kanyang kahibangan. Sana pinakinggan niya ang paliwanag nito hindi sana mauuwi sa hiwalayan ang pag-aaway nilang dalawa. Subalit nag isip-isip ni Red na mali nga siya. Humingi siya ng sorry dahil nadala ito ng matinding selos at pag iisip sa problema niyang hindi niya masabi sabi kay Sky.

“Sorry na mahal, kung ano ano ang pumapasok sa isip ko” paliwanag ni Red.

Marahil ay dala na din ito ng trauma sa nakaraang relasyon niya, akala niya lolokohin siya ni Sky. Pero iba si Sky at ang nakaraang karelasyon niya. Malaking Malaki ang pagkakaiba.

Bigla na naman pumasok sa isip ni Red ang pinag usapan nila ng kanyang Ina. Inis na inis na naman ito, bakit kasi isa lamang ang anak nila at talagang ako pa ang dapat magpa kasal sa hindi ko naman gusto. Akala niya ay sa pelikula lang makikita ang ganitong Arrange Marriage. Sa totoong buhay din pala, at nataon pang sa kanya. Paano na lamang ang mangyayari kung susundin niya ang magulang, paano na ang mangyayari kung hindi sila magka tuluyan ni Sky. Magiging masaya kaya siya ? Yan ang mga tanong na sumisiksik sa isip niya.

Ano kaya ang dahilan bakit biglang nag plano sila Mama na ipakasal ako ng ganun ganun na lamang? Nasa isip ni Red ang malaking pag tataka. Alam naman niya na may nobya ako. Hindi kaya nila ako mahal talaga? Anak ba nila talaga ako? Bakit hinayaan nilang mangyari ito sa akin.

“Mahal mag sama na tayo” ani Red.

Ito lang din ang naiisip niyang paraan para hindi matuloy ang plano ng magulang niya na pag papakasal sa iba.

Bagay na kinagulat naman ni Sky ang biglaang desisyon na ito ni Red.

“Bakit parang pabigla bigla na naman ang desisyon mo?” tanong ni Sky sa kanya.

"Gusto ko magkasama na tayo, kahit magtapos ka ng pag-aaral mo habang ako nagta trabaho" pag papaliwanag naman ni Red

"Bakit hindi mo na ba tatapusin ang pag-aaral mo?" balik naman na tanong ni Sky sa kanya

"Maghahanap na lang ako ng trabaho habang magkasama tayo, ayaw ko na sa bahay"sabi ni Red

"Bakit naman, may problema ba?"tanong ni Sky sa kanya

"Wala naman po, gusto ko lang makasama ka na, para hindi na ako nagiisip pa ng kung ano ano" pag dadahilan ni Red.

Hindi pa rin niya maipag tapat ang tunay na dahilan kay Sky.

"Binenta ko na yung sasakyan ko para may pambayad na tayo ng renta ng bahay" ani Red

"Nakausap ko na rin ang kaibigan ko, siya na ang bahala maghanap ng tutuluyan natin" dagdag pa nito. 

Nagtataka si Sky kung bakit bigla bigla ito naisip ni Red, hindi nya maintindihan, naguguluhan siya. Bakit naisip ng binata magsama na agad sila gayong hindi pa sila tapos mag-aral. Binigyan ng pagkakataon ni Red si Sky na magisip sa alok nito. 

“Sige pag isipan mo muna kung ano ang desisyon mo, pero ako sigurado na sa plano ko. Gusto kong makasama ka” aniya

“Pag iisipan ko po, graduating na ako. Kung hindi ko matatapos ang pag-aaral ko paano naman ang magiging buhay natin dalawa at kung magkaroon tayo ng pamilya” dahilan naman ni Sky

“Opo maghihintay ako ng sagot” ani Red

Subalit ano man ang maging desisyon ni Sky ay tatangapin nito. Malulungkot nga lang siya ng husto kung pipiliin nitong hindi sumama sa kanya. Pero kung sasama siya ay maisasabi na rin niya ang dahilan kung bakit nag desisyon siya na magsama na silang dalawa. Marahil ay maiintidihan ito ni Sky kaya naisip niya ang ganitong paraan ay para din sa kanilang dalawa. Umaasa pa rin siya na papayag ang nobya sa alok nito.